სამშაბათს, 11 აპრილს, ბევრი არააქტიური ქრისტიანი დაესწრება იესოს სიკვდილის გახსენების საღამოს. ერთ დროს ისინი დაადგნენ სიცოცხლის გზას, თუმცა სხვადასხვა მიზეზის გამო შეანელეს სვლა. ამ მიზეზთაგან ზოგი განხილულია ბროშურაში „დაუბრუნდი იეჰოვას“ (ებრ. 12:1). ეს არააქტიურები კვლავაც ძვირფასები არიან იეჰოვასთვის, რომელმაც ისინი თავისი ძის სისხლით გამოისყიდა (საქ. 20:28; 1 პეტ. 1:18, 19). როგორ შეგვიძლია დავეხმაროთ მათ, დაუბრუნდნენ კრებას?

მწყემსის მსგავსად, რომელიც ფარას ჩამოშორებულ ცხვარს გულმოდგინედ ეძებს, კრების უხუცესები ცდილობენ, მოძებნონ არააქტიური ქრისტიანები და დაეხმარონ მათ (ლუკ. 15:4—7). ამგვარი მოქმედება იეჰოვას სიყვარულსა და მზრუნველობაზე მეტყველებს (იერ. 23:3, 4). მხოლოდ უხუცესებს კი არა, ყველას შეგვიძლია გავამხნეოთ არააქტიურები. როცა ძალისხმევას არ ვიშურებთ სიკეთისა და თანაგრძნობის გამოსავლენად, იეჰოვას გულს ვუხარებთ და ამას ჩვენთვისაც დიდი კმაყოფილება მოაქვს (იგავ. 19:17; საქ. 20:35). ასე რომ, დაფიქრდი, ვისი გამხნევება შეგიძლია და დაუყოვნებლივ იმოქმედე!

უყურე ვიდეორგოლს „გაამხნევეთ არააქტიურები“ და უპასუხე ქვემოთ მოყვანილ კითხვებს:

• როგორ გამოიჩინა ებიმ ინიციატივა, როცა უცნობ თანაქრისტიანს შეხვდა?

• რატომ უნდა დაველაპარაკოთ უხუცესებს, თუ არააქტიურის დახმარება გვსურს?

• როგორ მოემზადა ები ლორასთან მეორედ მისასვლელად?

• როგორ ავლენდა ები შეუპოვრობას, მოთმინებასა და სიყვარულს, როცა ლორას გამხნევებას ცდილობდა?

• რის სწავლა შეგვიძლია იესოს მაგალითიდან, რომელიც ჩაწერილია ლუკას 15:8—10-ში?

• რა კურთხევები მოჰყვა ლორას დასახმარებლად გაწეულ ერთობლივ ძალისხმევას?