რატომ არის მნიშვნელოვანი: თუ „კაცის გულის ზრახვა ღრმა წყალია“, მაშინ კითხვები მისი ზრახვების ამოსახაპი ჭურჭელივითაა (იგავ. 20:5). კითხვები გვეხმარება, მსმენელი საუბარში ჩავაბათ. თუ კარგად შერჩეულ კითხვებს დავუსვამთ, მისი პასუხიდან ბევრ რამეს დავინახავთ. იესოს ამ მხრივ ბადალი არ მოეძებნებოდა. როგორ შეგვიძლია მივბაძოთ მას?

როგორ მოვიქცეთ:

• გაიგე, რას ფიქრობს. იესომ არაერთი კითხვა დაუსვა მოწაფეებს, რომ გაეგო მათი თვალსაზრისი (მათ. 16:13—16; be 238 ¶3—5). რა კითხვები შეგიძლია დაუსვა მსმენელს მისი აზრის გასაგებად?

• კითხვების მეშვეობით მიიყვანე სწორ დასკვნამდე. პეტრესთვის თვალსაზრისი რომ შეესწორებინა, იესომ კითხვებიც დაუსვა და სავარაუდო პასუხებიც შესთავაზა, რაც დაეხმარა მას, სწორ დასკვნამდე მისულიყო (მათ. 17:24—26). რა კითხვები შეგიძლია დაუსვა მსმენელს, სწორ დასკვნამდე რომ მიიყვანო?

• შეაქე. იესომ შეაქო მწიგნობარი, რომელმაც ჭკვიანური პასუხი გასცა (მარ. 12:34). როგორ შეგიძლია შეაქო ადამიანი, რომელიც დასმულ კითხვაზე გპასუხობს?

უყურე ვიდეორგოლის „განაგრძეთ იესოს დაწყებული საქმე — ასწავლეთ“ პირველ ნაწილს და უპასუხე ქვემოთ მოყვანილ კითხვებს:

• რატომ არ იყო კარგი ეს მიდგომა, მიუხედავად იმისა, რომ ინფორმაცია ზუსტად იყო გადაცემული?

• რატომ არ არის საკმარისი მხოლოდ მასალის ახსნა?

უყურე ვიდეორგოლის მეორე ნაწილს და უპასუხე ქვემოთ მოყვანილ კითხვებს:

• საიდან ჩანს, რომ ძმამ სწორად შეარჩია კითხვები?

• კიდევ რაში შეგვიძლია მივბაძოთ ამ ძმას?