არასრულყოფილი ბუნების გამო გამუდმებული ბრძოლა გვიწევს საკუთარ სურვილებთან. თუ არასწორ სურვილებს ავყვებით, იეჰოვას კეთილგანწყობას დავკარგავთ. მაგალითად, ზოგი ღმერთზე წინ საჭმელს, ტანსაცმელსა თუ სახლ-კარს აყენებს; ზოგი სექსუალურ სურვილებს ემონება და არად აგდებს ღვთის მაღალზნეობრივ ნორმებს (რომ. 1:26, 27). ზოგიც თანატოლების გავლენაში ექცევა, რათა მათი მოწონება დაიმსახუროს (გამ. 23:2).

საკუთარი სურვილები რომ ვაკონტროლოთ, მნიშვნელოვანია, სულიერი საქმეებით დავკავდეთ და ლოცვაში ვთხოვოთ იეჰოვას დახმარება (მათ. 4:4). რატომ არის ღმერთისთვის დახმარების თხოვნა გონივრული? იმიტომ, რომ მას საუკეთესო სურს ჩვენთვის და მზადაა, დააკმაყოფილოს ჩვენი სურვილები, რომლებიც მის ნებას არ ეწინააღმდეგება (ფსალმ. 145:16).

ᲣᲧᲣᲠᲔ ᲕᲘᲓᲔᲝᲠᲒᲝᲚᲡ „ᲡᲘᲪᲝᲪᲮᲚᲔᲡ ᲙᲕᲐᲛᲚᲡ ᲜᲣ ᲒᲐᲐᲢᲐᲜ!“, ᲓᲐ ᲣᲞᲐᲡᲣᲮᲔ ᲨᲔᲛᲓᲔᲒ ᲙᲘᲗᲮᲕᲔᲑᲡ:

• რატომ ეწევა ზოგი?

• რა ზიანი შეიძლება მოგაყენოს მოწევამ?

• რატომაა არასწორი სიგარეტის მოწევა ან სხვა მოსაწევი მოწყობილობების გამოყენება? (2 კორ. 7:1).

• რა დაგეხმარება, უარი თქვა მოწევაზე ან მოიშორო ეს მავნე ჩვევა?