იობმა დიდ-ძალი ქონება დაკარგა, შვილები დაეხოცა და მძიმე დაავადება შეეყარა, მაგრამ იგი მაინც ღვთის ერთგული დარჩა. ამიტომ სატანა შეეცადა, რომ მისი გულგატეხილობა მისივე ერთგულების შესარყევად გამოეყენებინა. იობი მისმა სამმა „მეგობარმა“ მოინახულა. თავიდან მათ ყველას დასანახად გამოხატეს თანაგრძნობა, შემდეგ კი იობთან დასხდნენ და შვიდი დღის მანძილზე კრინტი არ დაუძრავთ, ერთი გამამხნევებელი სიტყვაც კი არ უთქვამთ მისთვის. მართალია, შემდეგ ამოიღეს ხმა, მაგრამ მხოლოდ ადანაშაულებდნენ იობს.