„ის ნამდვილი საგანძურია“

ასე შეაფასა ბროშურა „როდესაც გიკვდება საყვარელი ადამიანი. . .“ ილინოისის შტატის (აშშ) ერთ-ერთი დავრდომილთა თავშესაფრის დირექტორმა. მას ერთმა იეჰოვას მოწმემ გაუგზავნა ეს ბროშურა და ასევე ჟურნალი „გამოიღვიძეთ!“ მას შემდეგ, რაც ამ ჟურნალში წაიკითხა, რომ მოხუცებულებს შორის თვითმკვლელობის რიცხვი საკმაოდ დიდი იყო. როცა საავადმყოფოს დირექტორმა მიიღო ლიტერატურა, დაუყოვნებლივ გამოეხმაურა.

დირექტორმა ბროშურას „როდესაც გიკვდება საყვარელი ადამიანი. . .“ ნამდვილი საგანძური უწოდა. ის წერდა: „მოხარული ვიქნები, თუ ამ ბროშურას მივაწვდენ მათ, ვისაც ანუგეშებს მასში მოცემული სიბრძნე, ბიბლიური მუხლები და მათზე დაფუძნებული მსჯელობა“.

მოწმემ წერილის მიღებისთანავე დაურეკა დირექტორს და შეხვედრაზე შეუთანხმდა. დირექტორმა ამ ბროშურის 20 ეგზემპლარის მიღების სურვილი გამოთქვა და სთხოვა მას, შეევლო საავადმყოფოში ყოველ 2-3 თვეში, რათა ახალ-ახალი ლიტერატურა მიეტანა.

შესაძლოა, თქვენ ან თქვენმა რომელიმე ნაცნობმაც ჰპოვოთ ნუგეში ამ 32-გვერდიანი ბროშურის წაკითხვით. თუ გსურთ მიიღოთ ეს ბროშურა, შეავსეთ თანდართული ტალონი და გაგზავნეთ ამ ჟურნალის მე-5 გვერდზე მითითებულ თქვენთვის ხელსაყრელ მისამართზე.

□ გთხოვთ გამომიგზავნოთ ბროშურა „როდესაც გიკვდება საყვარელი ადამიანი...“

□ მსურს ბიბლიის უფასო საშინაო შესწავლა.