რატომ უნდა იცოდეთ, რა წერია ბიბლიაში?

● ბიბლია მსოფლიოში ყველაზე ფართოდ გავრცელებული წიგნია და მას ბევრი აფასებს. სასამართლოებში ბიბლიაზე ხელის დადებით იფიცებენ, სახელმწიფო მოხელეები ბიბლიაზე დებენ ფიცს, რომ თავიანთ პასუხისმგებლობებს პირნათლად შეასრულებენ. ბიბლიის ცოდნა ყველანაირ განათლებას აღემატება.

ბევრი დაეთანხმება იმ აზრს, რომ მსოფლიოში გაცილებით უკეთესი მდგომარეობა იქნებოდა, თუ ბიბლიას უფრო მეტი ადამიანი წაიკითხავდა და მის თანახმად იცხოვრებდა. 32-გვერდიანი ილუსტრირებული ბროშურა „რას გვამცნობს ბიბლია?“ მკითხველს ბიბლიის უკეთ გაგებაში დაეხმარება. პირველ ორ ნაწილში მოთხრობილია, რომ ღმერთმა ადამიანები სამოთხეში დაასახლა, მაგრამ მათ დაკარგეს ის. შემდგომ თავებში გაეცნობით იმ ხალხის ისტორიას, რომელშიც ღვთის სამეფოს მეფე დაიბადებოდა. ეს სამეფო დედამიწაზე დაკარგულ სამოთხეს აღადგენს.

მომდევნო ნაწილებში აღწერილია იესო ქრისტეს — ღვთის დანიშნული მეფის — ცხოვრება, მსახურება, სასწაულები, სიკვდილი და მკვდრეთით აღდგომა. შემდეგი ოთხი ნაწილი კი ეთმობა პირველი საუკუნის ქრისტიანების მსახურებას, განსაცდელებსა და მათ მიერ დაწერილ ღვთივშთაგონებულ წერილებს. ძალიან გამამხნევებელია ბოლო ნაწილი სათაურით „აღდგენილი სამოთხე“. ამას მოყვება ლამაზ სურათებიანი ბოლო გვერდი „ბიბლიის მოკლე მიმოხილვა“.

თქვენც შეგიძლიათ მიიღოთ ამ ბროშურის ეგზემპლარი, თუ შეავსებთ თანდართულ ტალონს და გამოგზავნით ამ ჟურნალის მე-5 გვერდზე მოცემულ თქვენთვის უახლოეს მისამართზე.

□ გთხოვთ, გამომიგზავნოთ ბროშურა „რას გვამცნობს ბიბლია?“.

□ მსურს ბიბლიის უფასო შესწავლა.