მარადიული სიცოცხლე

„მარადიული სიცოცხლის მისაღებად უნდა გეცნობოდნენ შენ, ერთადერთ ჭეშმარიტ ღმერთს, და მას, ვინც შენ გამოგზავნე, იესო ქრისტეს“ (იოანე 17:3).

ცოდნას სიცოცხლის ხსნა შეუძლია. როდესაც ათი თვის ნუჰუ ავად გახდა, დედამისმა, რომელიც ნიგერის ერთ-ერთ საავადმყოფოში მუშაობდა, იცოდა, რა ზომები უნდა მიეღო. დაკარგული სითხის ასანაზღაურებლად მან თავის პატარას შაქრის, მარილისა და გაფილტრული წყლის ხსნარი მოუმზადა. როგორც იუნისეფ-ი იტყობინება, ვინაიდან „დედა მედმუშაკი იყო და სწრაფი რეაგირება მოახდინა, ბავშვი მალე გამომჯობინდა“.

ბიბლიურ შემეცნებასაც შეუძლია სიცოცხლის ხსნა. ბიბლიის ერთ-ერთმა დამწერმა, მოსემ, თქვა: „ეს უბრალო სიტყვა არ არის, ეს თქვენი სიცოცხლეა! ამ სიტყვის წყალობით იქნებით დღეგრძელნი“ (კანონი 32:47). მართლა შეუძლია ბიბლიას, ხელი შეუწყოს ჩვენს დღეგრძელობას? როგორ მოგვიტანს მარადიულ სიცოცხლეს ბიბლიური შემეცნება?

წინა ხუთი სტატიიდან დავინახეთ, რომ ბიბლია შეუდარებელი წიგნია; მასში მოცემულია სანდო წინასწარმეტყველებები; ეს წიგნი ისტორიულად და მეცნიერულად ზუსტი და ჰარმონიულია; და დღემდე პრაქტიკულ რჩევებს გვთავაზობს. სწორედ ამიტომ არის ბიბლია უნიკალური. აქედან გამომდინარე, როდესაც ღვთის სიტყვიდან იგებთ, რომ მარადიული სიცოცხლის მიღება შეგიძლიათ, განა ეს ცნობა ჯეროვან ყურადღებას არ იმსახურებს?

ბიბლიიდან მიღებული საფუძვლიანი ცოდნის წყალობით დღესვე იგრძნობთ სულის სიმშვიდეს, მომავალში კი ბედნიერად იცხოვრებთ. იეჰოვას მოწმეები სიხარულით დაგეხმარებიან ამგვარი ცოდნის შეძენაში.

[ჩარჩო⁄სურათი 9 გვერდზე]

ბიბლია კიდევ იმიტომ არის უნიკალური, რომ ამომწურავ პასუხებს გვცემს შემდეგ კითხვებზე:

• რატომ ვარსებობთ?

• რატომ ხდება ამდენი უბედურება?

• არსებობს რაიმე იმედი საყვარელი გარდაცვლილებისთვის?

თქვენ შეგიძლიათ მიიღოთ ბიბლიური პასუხები წიგნის „რას გვასწავლის ბიბლია სინამდვილეში?“ მეშვეობით, რომელიც იეჰოვას მოწმეების მიერ არის გამოცემული.