ბიბლიური მაგალითები:

• ლკ. 20:37, 38 — მკვდრეთით აღდგომის უტყუარობაში მსმენელის დასარწმუნებლად, იესომ აღნიშნა, რომ მკვდრები ღვთისთვის ცოცხლები არიან.

• ინ. 11:5, 6, 11—14 — როცა გაიგო, რომ მისი მეგობარი ლაზარე მოკვდა, იესომ სიკვდილი ძილს შეადარა.

• ებ. 2:14, 15 — მოციქულმა პავლემ ახსნა, რატომ არ უნდა დავემონოთ სიკვდილის შიშს.

ბიბლიური მაგალითები:

• ბიბლიაში მკვდრეთით აღდგომის ცხრა შემთხვევაა მოთხრობილი. ეს შემთხვევები მგლოვიარეთათვის მანუგეშებელი და დამაიმედებელია.

  • 1მფ. 17:17—24 — ელიამ ქალაქ სიდონში სარეფთელი ქვრივის ვაჟი აღადგინა მკვდრეთით.

  • 2მფ. 4:32—37 — ელისემ შუნემში მცხოვრები ბიჭუნა აღადგინა და დედამისს მიუყვანა.

  • 2მფ. 13:20, 21 — როცა ელისეს სამარხში ერთი ახალგარდაცვლილი მამაკაცის ცხედარი ჩააგდეს, წინასწარმეტყველის ძვლებთან შეხებისთანავე ის გაცოცხლდა.

  • ლკ. 7:11—15 — იესომ შეაჩერა მგლოვიარეები, რომლებიც ქვრივის ვაჟს მოასვენებდნენ, და ის მკვდრეთით აღადგინა.

  • ლკ. 8:41, 42, 49—56 — იესომ სინაგოგის წინამძღვრის, იაიროსის, გოგონა მკვდრეთით აღადგინა.

  • ინ. 11:38—44 — იესომ თავისი მეგობარი ლაზარე მკვდრეთით აღადგინა, რამაც უზომოდ გაახარა ლაზარეს დები, მართა და მარიამი.

  • სქ. 9:36—42 — მოციქულმა პეტრემ მკვდრეთით აღადგინა ტაბითა, რომელმაც კარგი საქმეებით ყველას შეაყვარა თავი.

  • სქ. 20:7—12 — მოციქულმა პავლემ მკვდრეთით აღადგინა ერთი ახალგაზრდა, ევტიქე, რომელიც ფანჯრიდან გადავარდა და მოკვდა.

• იესო ქრისტე სულიერი სხეულით აღდგა. მისი მკვდრეთით აღდგომა იმის გარანტიაა, რომ მომავალთან დაკავშირებული ყველა დანაპირები შესრულდება.

  • სქ. 17:31; 1პტ. 3:18

• იესო პირველი იყო, რომელიც ღმერთმა ზეციერი ცხოვრებისთვის აღადგინა და უკვდავება უბოძა. იმავე ჯილდოს 144 000 ცხებული ქრისტიანიც იღებს.

  • 1კრ. 15:20, 23, 51—53; 1თს. 4:16, 17; გმც. 14:1