JW ბიბლიოთეკას აქვს რამდენიმე ფუნქცია, რომელიც აადვილებს კითხვას. ეს ფუნქციები განთავსებულია აპლიკაციის ბრძანების ზოლში. იმისათვის, რომ გახსნათ აპლიკაციის ბრძანების ზოლი, დააწკაპუნეთ მარჯვენა ღილაკზე ან  ეკრანს ზემოდან ჩამოუსვით თითი.

მიჰყევით შემდეგ მითითებებს, რომ გაიადვილოთ კითხვა:

•  ენის შეცვლა

•  ტექსტის პარამეტრები

•  სურათის ან ტექსტის ნახვა

•  გახსენი ონლაინ ბიბლიოთეკაში

•  ბიბლიების შერჩევა

კითხვისას შეგიძლიათ შეცვალოთ ენა.

• დააჭირეთ ენების ღილაკს და იხილეთ, რომელ ენებზეა ხელმისაწვდომი თქვენთვის სასურველი მასალა. ენები, რომლებსაც ყველაზე ხშირად იყენებთ, ჩამონათვალის თავშია მოცემული. აგრეთვე შეგიძლიათ ჩაბეჭდოთ ენა და ასე მოძებნოთ.

• იმ ენების გასწვრივ, რომლებიც ჯერ არ გაქვთ ჩამოტვირთული, მოცემულია ღრუბლის ნიშანი. დააჭირეთ ენას, რომ ჩამოტვირთოთ პუბლიკაცია. მას შემდეგ, რაც პუბლიკაცია ჩამოიტვირთება, ღრუბლის ნიშანი გაქრება. მის წასაკითხად კვლავ დააჭირეთ ენას.

ტექსტი შეგიძლიათ თქვენთვის სასურველ ზომაზე დააყენოთ.

ზოგიერთი სტატია შეგიძლიათ იხილოთ სურათის ან ტექსტის სახით. დააჭირეთ შესაბამის ღილაკს, რომ ერთიდან მეორეზე გადახვიდეთ.

• სურათის ნახვა: სურათის ფორმატი ინფორმაციას ისეთი სახით გიჩვენებთ, როგორც ბეჭდვით გამოცემაშია. ზოგმა შეიძლება აირჩიოს ეს ფორმატი ისეთ პუბლიკაციაში, როგორიცაა სიმღერების წიგნი ნოტებით.

• ტექსტის ნახვა: ტექსტში შეგიძლიათ იხილოთ ბიბლიური ციტატების ბმულები. თუ დააჭერთ მათ, შეძლებთ წაიკითხოთ ისინი თქვენ მიერ შერჩეული ტექსტის ზომით.

თუ პუბლიკაციის კითხვისას ბიბლიურ ციტატას დააჭერთ, გაიხსენება მუხლები. დააჭირეთ მუხლების ქვემოთ მოცემულ მორგების ღილაკს, რათა აირჩიოთ თქვენ მიერ ჩამოტვირთული თარგმანები და დაამატოთ ჩამონათვალში.

თუ გსურთ, გაიგოთ, როგორ დაამატოთ ბიბლიის თარგმანები JW ბიბლიოთეკაში, იხილეთ სტატია „ჩამოტვირთეთ და გამოიყენეთ ბიბლიის თარგმანები Windows-თვის“.