გარემოს დაცვის ჯგუფის ერთ-ერთი წევრი ამოწმებს წყალბადის შემცველობის დონეს წყალში მთავარ გასასვლელთან მდებარე ტბორში. ამ ტესტებით ვიგებთ, რამდენად გამართულად მუშაობს დაბინძურების წინააღმდეგ შემუშავებული ზომები.

მოხალისე სწავლობს, როგორ დაამაგროს აგურის კედელზე თბოიზოლაციის პანელი, რომელიც ქმნის საცხოვრებელი შენობის გარე ფასადს.

გზის სატკეპნი მანქანა ასწორებს მიწას და ასფალტისთვის ამზადებს. ეს არის გზა, რომელიც სამხრეთით მდებარე აუდიო-ვიდეო მომსახურების შენობას უვლის გარს.

ზემოდან გადაღებული ჩრდილო-დასავლეთის ხედი. ამწე დგას შენობის იმ ადგილას, სადაც მიმღები განთავსდება. მის მარჯვნივ არის ბეტონი, რომელზეც უნდა აშენდეს ადმინისტრაციული შენობა, მის მარცხნივ კი სამზარეულოს, სასადილოს და დარბაზის საძირკველია. ზედა მარჯვენა მხარეს არის გადმოსახედი ადგილი, საიდანაც სტუმრებს შეუძლიათ დაათვალიერონ მშენებლობის პროცესი.

ლითონის კონსტრუქციით იწყობა ადმინისტრაციული შენობის, სამზარეულოს, სასადილოს და დარბაზის კარკასი.

გარემოს დაცვის ჯგუფის წევრი აკვირდება მიწის ამოთხრის პროცესს იშვიათი ჯიშის ხის გვერდით. გამწვანებაზე მომუშავე ჯგუფმა გაავლო ზღვარი, რათა ამოთხრის პროცესში არ დაზიანდეს ხის ფესვები. ის ტერიტორია, სადაც მშენებლობა აკრძალულია, შემოღობილია და ასეთი სახითაა დაცული მასზე მდებარე ხეები.

გამწვანებაზე მომუშავე ჯგუფის წევრი საფეხმავლო ბილიკის ნაპირზე აგებს გაზონს და ამაგრებს პალოებით, რათა გაზონმა არ იმოძრაოს და ფესვები ადვილად გაიდგას.

მღებავი დეკორატიულ ხის კედელზე აწერს სართულის ნომერს. მომდევნო თვეს მშენებლები უკვე გადავიდნენ ამ შენობაში.

სამშენებლო ფირმის თანამშრომელს ამწეთი გადააქვს ბეტონის ფილა, რომელზეც განთავსდება კიბეები.

თაბაშირ-მუყაოზე მომუშავეები ჭერზე ამაგრებენ დერეფნის კედლის კარკასს. მარჯვნივ დევს მექანიკური ამწე, რომელსაც ტექნიკური ჯგუფი იყენებს მილგაყვანილობის, გათბობის, სავენტილაციო და კონდიცირების სისტემების დასამონტაჟებლად.

ტექნიკური ჯგუფის წევრები ამაგრებენ მილის სამაგრებს ადმინისტრაციული შენობის მიმღების ტერიტორიაზე.

მოხალისეებს გაჰყავთ სადრენაჟო არხი ჩრდილოეთ და სამხრეთ შენობებს შორის.

სამშენებლო კომპანიის წარმომადგენელი სასადილოს სახურავზე ბოლო დამცავ მოაჯირს დებს ამწეთი. ქვემოთ არსებული დერეფანი მიდის საცხოვრებელ A-მდე.

ლითონის კონსტრუქციებით ხდება სახელოსნოებისა და საოფისე შენობის კარკასის აგება.

ზემოდან გადაღებული ფოტო ჩრდილო-დასავლეთის ხედით. ცენტრიდან მარჯვნივ დგას აუდიო-ვიდეო მომსახურების სამხრეთი შენობა; მიმდინარეობს მისი კედლის გარე ფასადის მოპირკეთება. წინა პლანზე ჩანს აუდიო-ვიდეო მომსახურების ჩრდილოეთ შენობის მშენებლობის პროცესი. შენობის წინ დაგებულია ასფალტის საფარი. ცენტრიდან მარცხნივ არის ადმინისტრაციული შენობა, მის უკან კი — საცხოვრებელი შენობები.

აღმოსავლეთის ხედით გადაღებული ფოტო მზის ამოსვლისას. D, E და F შენობები უკვე დასრულებულია. C შენობის დასრულება ოქტომბერშია დაგეგმილი.

ტბორის ირგვლივ მოხალისეები კირქვის ლოდებს ალაგებენ. სურათის უკანა პლანზე ჩანს შენობის შესასვლელი, რომელიც ერთ-ერთი ულამაზესი ადგილი იქნება ტერიტორიაზე.

მოხალისეები ოფისის ჭერში ამონტაჟებენ მილგაყვანილობის, გათბობის, სავენტილაციო და კონდიცირების სისტემებს და გაჰყავთ ელექტრო სადენები. ეს იქნება სამშენებლო ოფისი, საიდანაც ორგანიზება გაეწევა სხვადასხვა სამშენებლო საქმიანობას.

ადმინისტრაციული შენობა ბეტონის ფილებით იგება. წინასწარ გამზადებული ბეტონის ფილების გამოყენებამ დააჩქარა სამშენებლო საქმე, რის წყალობითაც ადმინისტრაციული შენობა აგვისტოს ბოლოს უკვე მზად იყო. დიდი ფანჯრების საშუალებით შენობაში მეტი სინათლე შევა. ფანჯრები ოდნავ შიგნითაა ჩასმული, რათა შემცირდეს მზის სხივების მკვეთრი ნათება ზაფხულშიც და ზამთარშიც და ნაკლები სიცხე შევიდეს ზაფხულში.

მოხალისეები აგებენ ხმის დამხშობ კედელს სასადილოსა და დარბაზის ჭერს შორის. ეს კედელი ჩაახშობს ხმას, როცა სასადილოს და დარბაზს ერთდროულად გამოიყენებენ.