2016 წლის 22—28 აგვისტოს ბოტსვანაში, სადაც ალმასის უდიდესი საბადოებია, სპეციალური გამოფენა მოეწყო. ამ გამოფენაში იეჰოვას მოწმეებმაც მიიღეს მონაწილეობა და წარმოადგინეს თავიანთი „საგანძური“ — ბიბლიაზე დაფუძნებული ლიტერატურა, ვებ-გვერდი jw.org და ვიდეოები, რომლებიც ოჯახების განმტკიცებას ემსახურება.

იეჰოვას მოწმეების საგამოფენო კუთხესთან მისული მშობლები და ბავშვები აღაფრთოვანა ანიმაციურმა მულტსერიალმა „დაუმეგობრდი იეჰოვას“, რომელიც მშობლებსა და ბავშვებს ბიბლიური პრინციპებით ხელმძღვანელობას ასწავლის. ბოტსვანაში ძალიან ცოტა მულტფილმია ტსვანა ენაზე, ამიტომ მრავალი დაინტერესდა ამ ვიდეოებით; მათ სურდათ, გაეგოთ, სად შეიძლებოდა მათი ნახვა.

გამოფენაზე ქვეყნის სხვადასხვა კუთხიდან იყვნენ სტუმრები ჩასული. ამ დროის განმავლობაში გავრცელდა დაახლოებით 10 000 ბიბლიური ლიტერატურა და 120-მა ადამიანმა მოითხოვა ბიბლიის უფასო შესწავლა. სტუმრებზე დიდი შთაბეჭდილება მოახდინა ინგლისურ და ტსვანა ენაზე მოლაპარაკე მოწმეების თანამშრომლობამ.

გამოფენის ორგანიზატორებს ყველაზე მეტად მოწმეების საგამოფენო კუთხე მოეწონათ და მათ პირველი ხარისხის ჯილდო გადასცეს.