დიახ. ჩვენ გვწამს იესო. მან თქვა: „მამასთან ჩემ გარეშე ვერავინ მივა.“ (იოანე 14:6). ჩვენ გვჯერა, რომ იესო ზეციდან დედამიწაზე ჩამოვიდა, განკაცდა და თავისი სრულყოფილი სიცოცხლე მსხვერპლად გაიღო (მათე 20:28). მისმა სიკვდილმა და აღდგომამ მარადიული სიცოცხლის შესაძლებლობა მისცა მათ, ვისაც სწამს მისი. ჩვენ ასევე გვჯერა, რომ იესო ახლა ღვთის ზეციერი სამეფოს მეფეა, რომელიც ძალიან მალე მთელს დედამიწაზე მშვიდობას დაამყარებს (გამოცხადება 11:15). ასევე, იესოს სიტყვების მეშვეობით ჩვენ იმასაც ვიგებთ თუ რა მდგომარეობა უკავია მას. მან თქვა: „მამა ჩემზე დიდია“ (იოანე 14:28). ჩვენ თაყვანს არ ვცემთ იესოს, რადგან მას ყოვლისშემძლე ღმერთად არ მივიჩნევთ.