სისხლის გადასხმის გარეშე მკურნალობის ზოგადი პრინციპები

მოსმენა

1. სისხლის დანაკარგის შესამცირებლად და ანემიის სამკურნალოდ შეადგინეთ დეტალური და ინდივიდუალური სამოქმედო გეგმა. სისხლდენის ან ანემიის პრევენციისა და მკურნალობის მიზნით შეადგინეთ სრულფასოვანი სამოქმედო გეგმა, რომელიც არ უნდა შემოიფარგლებოდეს მხოლოდ ერთი მეთოდით, არამედ მოიცავდეს მეთოდების ოპტიმალურ კომბინაციას.
2. დაგეგმილი და მოსალოდნელი პროცედურების ჩატარებამდე მიიღეთ ინფორმირებული თანხმობა. პაციენტთან და ოჯახის წევრებთან იმსჯელეთ ამ პროცედურების დადებით მხარეებსა და რისკფაქტორებზე (რომლებიც შეიძლება გამოვლინდეს მოკლე პერიოდში ან მოგვიანებით).
3. ჰემოტრანსფუზიის რისკისა და სისხლის გადასხმის გარეშე მკურნალობის ხელმისაწვდომი მეთოდების გათვალისწინებით პაციენტი გადაიყვანეთ სხვა კლინიკაში, სადაც უკეთეს მომსახურებას გაუწევენ.
4. გამოიყენეთ მულტიდისციპლინური გუნდური მიდგომა. სისხლის გადასხმის გარეშე მკურნალობის სქემის შედგენისას ითანამშრომლეთ სხვადასხვა პროფილის სპეციალისტთან. გუნდის ყველა წევრთან იმსჯელეთ ამ სქემაზე. თითოეულს აუხსენით, რა როლი და პასუხისმგებლობა აკისრია. მუდმივად ითანამშრომლეთ გუნდის წევრებთან. ეს განსაკუთრებით მნიშვნელოვანია მაშინ, როცა პაციენტს აქვს რამდენიმე დაავადება და მკურნალობის პროცესში ჩართულია არაერთი სპეციალისტი.
5. თვალყური ადევნეთ სისხლის დანაკარგსა და პაციენტის ფიზიოლოგიურ მაჩვენებლებს. ძლიერი სისხლდენის პრევენციისა და მკურნალობის დროს აუცილებელია პრობლემის დროულად აღმოჩენა, გამოცდილი სპეციალისტების ჩართვა და სწრაფი მოქმედება. იმ პაციენტებთან, რომლებიც უარს ამბობენ სისხლის გადასხმაზე, საჭიროების შემთხვევაში, უფრო სწრაფად უნდა იქნას მიღებული ზომები.
6. პაციენტებში, რომლებიც უარს ამბობენ სისხლის გადასხმაზე, ძლიერი სისხლდენის განვითარებისას, ჰემოსტაზის მისაღწევად სასიცოცხლოდ მნიშვნე- ლოვანია სწრაფი მოქმედება. დიაგნოსტიკისთვის გამოიყენეთ ექსპრეს-ტესტები, რაც საშუალებას მოგცემთ დაზოგოთ დრო და შეამციროთ სისხლის დანაკარგი. სისხლდენის განვითარებისას დროს ნუ დაკარგავთ პასიურ დაკვირვებაში.
7. კლინიკურად შეაფასეთ პაციენტი და მისი მდგომარეობის ცვლილებისას მზად იყავით, შეცვალოთ სტანდარტული სამოქმედო გეგმა.
8. გართულებების შემთხვევაში სასწრაფოდ გაიარეთ კონსულტაცია სპეციალისტებთან, რომელთაც აქვთ სისხლის გადასხმის გარეშე მკურნალობის გამოცდილება.
9. აუცილებლობის შემთხვევაში, სტაბილურ მდგომარეობაში მყოფი პაციენტი გადაიყვანეთ კვალიფიცირებულ კლინიკაში; ნუ დაელოდებით მისი მდგომარეობის გაუარესებას.

გავრცელებულია სამედიცინო მომსახურების საინფორმაციო ცენტრის მიერ იეჰოვას მოწმეებისთვის

https://www.pr418.com/ka/სამედიცინო-ბიბლიოთეკა/

ქირურგიულ პაციენტებში სისხლის გადასხმის გარეშე ანემიისა და სისხლდენის პროფილაქტიკა და მკურნალობა a

a მკურნალობის სტრატეგიების დოკუმენტში მოცემული ინფორმაცია და რეკომენდაციები განკუთვნილია მხოლოდ პრაქტიკოსი მედიკოსებისთვის. ამ დოკუმენტის მიზანი არ არის სამედიცინო რჩევებისა და მკურნალობის რეკომენდაციების გაცემა და არც კვალიფიციური მედიკოსების ჩანაცვლება. ეს დოკუმენტი რეკომენდაციას არ უწევს რომელიმე ანალიზს, ექიმს, მედიკამენტს ან პროცედურას. დიდი ძალისხმევა მოხმარდა იმას, რომ ინფორმაცია ყოფილიყო ზუსტი და დროული. თუმცა, აქ ჩამოთვლილი ყველა მეთოდი არ არის მისაღები და შესაფერისი ყველა პაციენტისთვის. თითოეული წარმომადგენელი იღებს ვალდებულებას, მუდმივად ფლობდეს უახლეს ინფორმაციას; ასევე უნდა შეეძლოს მკურნალობასთან დაკავშირებულ საკითხებზე მსჯელობა და პაციენტისთვის დახმარების გაწევა გადაწყვეტილების მიღებისას მისი სურვილის, ღირებულებების და რწმენის გათვალისწინებით. ჯანმრთელობის მდგომარეობასა და მკურნალობასთან დაკავშირებით პაციენტები ყოველთვის უნდა მიმართავდნენ კვალიფიციურ მედიკოსებს.