Kra seg wid yeţwaɣeḍṣen d Inagan n Yahwa ḥebsen aberreḥ yerna tikwal ur d-ţţasen ara ɣer tejmaɛt. Imdanen-agi nɛezzel-iten neɣ nessufuɣ-iten? Ala. Neţţak-asen afus n lemɛawna yerna neţnadi a d-nesseḥyu liman-nsen.

 I ma yella yexdem walbeɛḍ lɣelṭa tameqrant? Ur t-nessufuɣ ara din din si tejmaɛt. Meɛna, ma iwulef yiwen Inigi iɛeffes leqwanen n Wedlis Iqedsen yeɛnan tikli, yerna ur yendim ara, wagi a t-nessufeɣ si tejmaɛt. Adlis Iqedsen yessefhem-ed ɛinani annect-a mi d-yenna: “Kkset amcum si gar-awen.”—1 Ikurintiyen 5:13.

 Acu i gḍerrun ma yella yiwen wergaz ssufɣen-t si tejmaɛt meɛna tameṭṭut-is d warraw-is qqimen d Inagan? Mebla ccekk leqdic-nsen icudden ɣer ddin ad icewwel; lameɛna lɛalaqat yellan ger wergaz-nni ţ-ţmeṭṭut-is neɣ gar-as d warraw-is ţkemmilent. Ţɛicen am twaculin meṛṛa yerna ţţemyeḥmalen.

 Albeɛḍ i nessufeɣ si tejmaɛt yezmer ad yeḥdeṛ i inejmuɛen-nneɣ. Ma yella yebɣa, yezmer ad isfaydi si lemɛawna n Inagan yeţţuwekklen ɣef tejmaɛt, yeɛni lecyux, bac ad yuɣal tikkelt nniḍen d Inigi. Win i nessufeɣ si tejmaɛt meɛna yuɣal ibeggen-ed seg wul belli yebɣa ad iqader imenzayen n Wedlis Iqedsen yerna yeǧǧa yir lexdayem, yezmer ad yuɣal d Inigi n Yahwa i tikkelt nniḍen.