Ih. Nqebbel a nsew ddwa yerna a ɣ-dawin ṭṭebba. Ɣas akken neţḥadar ɣef yiman-nneɣ akken a nesɛu ṣṣeḥḥa n lɛali, tikwal ‘neţţiḥwiǧ ṭṭbib.’ (Luqa 5:31) Uyerna llan kra n Inagan n Yahwa i d-yeffɣen d ṭṭebba, am Luqa, yiwen umasiḥi n lqern amezwaru.—Ikulusiyen 4:14.

 Acu kan, kra n leṣnaf n udawi akk-d kra n ddwawi ur ddin ara d imenzayen n Wedlis Iqedsen. Daymi ur ten-nqebbel ara. Di lemtel, ur nqebbel ara timerna n idammen axaṭer Adlis Iqedsen iḥeṛṛem ad issexdem walbeɛḍ idammen bac a t-id-yuɣal lǧehd. (Lecɣal 15:20) Iḥeṛṛem daɣen Wedlis Iqedsen adawi i gesɛan lɛalaqa akk-d ssḥur.—Igalatiyen 5:19-21.

 Meɛna, amur ameqran n leṣnaf n udawi i gellan ur xulfen ara imenzayen n Wedlis Iqedsen. Ihi, mkul Inigi ilaq-as ad yeṭṭef leqrar weḥd-es di temsalt-agi. Yella Inigi ara iqeblen kra n ṣṣenf n ddwa neɣ n udawi, yella win ur ten-nqebbel ara.—Igalatiyen 6:5.