Ala. Inagan n Yahwa d imasiḥiyen i llan, meɛna ur ḥsiben ara iman-nsen d ibrutistaniyen. Acuɣer?

 Kra ssefhamen-d belli ddin abrutistani ijemmel-ed “Timezdayin meṛṛa ur neqbil ara (yeţnamaren) Tamezdayt takatulikit taṛumanit.” D ṣṣeḥ, Inagan n Yahwa ur qbilen ara ayen i tesselmad Tmezdayt takatulikit. Acu kan, ur ḥsiben ara daɣen iman-nsen d ibrutistaniyen; atentah kra n ssebbat:

1.   Kra seg wayen is i ţţamnen ibrutistaniyen ur yeɛdil ara d wayen yesselmad s ṣṣeḥ Wedlis Iqedsen. Ɣef lemtel, Adlis Iqedsen yesselmad belli “Yiwen n Yillu kan i gellan”, mačči tlata, yeɛni Talut. (1 Timutawus 2:5; Yuḥenna 14:28) Yesselmad daɣen belli Ṛebbi yeţɛaqab imcumen, meɛna ur ten-yeţceggiɛ ara ɣer ǧahennama n tmes; d asenger i ten-issengar i dayem.—Ahellil 37:9; 2 Itisalunikiyen 1:9.

2.   Ur neţnamar Tamezdayt takatulikit ur neţnadi a ţ-nbeddel. Akka i nţeddu i ddyanat meṛṛa. Di tin n ṣṣeḥ, neţberriḥ kan lexbaṛ n lxiṛ n Tgelda n Ṛebbi, yeɛni nxeddem lmeǧhud bac a nɛiwen lɣir-nneɣ ad yesɛu liman di lexbaṛ-agi n lxiṛ. (Matta 24:14; 28:19, 20) Lmeqsud-nneɣ mačči d abeddel n ddyanat nniḍen, meɛna d aselmed n tideţ ɣef Ṛebbi akk-d Wawal-is, Adlis Iqedsen, i lɛibad yesɛan nneyya.—Ikulusiyen 1:9, 10; 2 Timutawus 2:24, 25.