Ala, ur neţţak ara leɛcuṛ. Leqdic-nneɣ iteddu s yedrimen i d-ţţaken lɛibad s lebɣi-nsen yerna mebla ma fkan-d ismawen-nsen. Meɛna, acu i d leɛcuṛ? Yerna, acuɣer Inagan n Yahwa ur ţţaken ara leɛcuṛ?

 Lameṛ yeɛnan amuddu n leɛcuṛ, yeɛni tikci n tis ɛecṛa seg wayen i gekseb walbeɛḍ, d yiwen lameṛ di Lqanun i geţţunefken i wat Isṛayil n zik. Acu kan, Adlis Iqedsen yesskanay-ed belli Lqanun-agi, seg-s “lameṛ [...] a d-ţţaṭṭafen leɛcuṛ”, ur yeɛni ara imasiḥiyen.—Iɛebṛaniyen 7:5, 18; Ikulusiyen 2:13, 14.

 Di lɛiwaḍ ideg ara nefk leɛcuṛ neɣ tukciwin s tin n bessif, neţɛanad imasiḥiyen imezwura. Neţţak afus n lemɛawna di leqdic n uberreḥ s snat n leḥwayeǧ: nţekkay akken ma nella deg-s mebla ma neţţuxelleṣ yerna neţţak tukciwin s lebɣi-nneɣ.

 Neţḥessis ihi i lewṣaya-yagi n Wedlis Iqedsen i geţţunefken i imasiḥiyen: “Mkul yiwen ad ifk akken yenwa deg wul-is, mačči s nndama neɣ bessif; axaṭer ‘Illu iḥemmel win yeţţaken s lfeṛḥ.’”—2 Ikurintiyen 9:7.