Inagan n Yahwa ssexdamen ţţawil n lɛali akken ad sselmden i medden ayen i d-iqqar Wedlis Iqedsen. Taɣuri-yagi a k-tɛiwen akken:

•   aţ-ţafeḍ lfeṛḥ di tudert-ik

•   aţ-ţuɣaleḍ d aḥbib n Ṛebbi

•   aţ-ţissineḍ d acu i gewɛed Wedlis Iqedsen ad yeḍru ɣer zdat

Deg umagrad-agi, aţ-ţwaliḍ:

•  Amek i d-teţţili tɣuri n Wedlis Iqedsen?

•  Ad ɣreɣ Adlis Iqedsen s lexlaṣ neɣ baṭel?

•  Acḥal n lweqt ara teṭṭef tɣuri-yagi?

•  Amek ara xedmeɣ akken ad ḍelbeɣ ad ɣreɣ Adlis Iqedsen?

•  Zemreɣ ad ɛerḍeɣ yiwet n tikkelt taɣuri-yagi uqbel a ţ-qebleɣ?

•  Ma yella qebleɣ ad ɣreɣ Adlis Iqedsen, eɛni bessif fell-i ad uɣaleɣ d Inigi n Yahwa?

•  Zemreɣ ad ssexdmeɣ adlis-inu iqedsen?

•  Zemreɣ a d-ɛerḍeɣ lɣaci nniḍen akken ad ḥedṛen yid-i i tɣuri?

•  Ma yella ɣriɣ zik-nni Adlis Iqedsen akk-d Inagan n Yahwa mbeɛd ḥebseɣ, zemreɣ ad uɣaleɣ ɣer tɣuri-inu?

•  D acu-ten ţţawilat i tesɛam ma bɣiɣ ad ɣreɣ Adlis Iqedsen weḥd-i?

 Win i k-isɣarayen a k-iɛiwen aţ-ţissineḍ akteṛ ayen i d-iqqar Wedlis Iqedsen; aţ-ţhedṛem fell-as tamsalt, tamsalt. Taɣuri-yagi aţ-ţreṣṣi ɣef tektabt Aţ-ţɛiceḍ i dayem!. A k-tɛiwen aţ-ţissineḍ ciṭuḥ ciṭuḥ ayen i gesselmad Wedlis Iqedsen, d wamek i gezmer a k-iɛiwen di tudert-ik. Akken aţ-ţissineḍ akteṛ, feṛṛeǧ bidyu-yagi.

 Baṭel. Inagan n Yahwa ṭṭabaɛen lameṛ i gefka Ɛisa i inelmaden-is: “Iţţunefk-awen-d baṭel, fket baṭel” (Matta 10:8). Uyerna, tizmamin ara tessexdmeḍ i tɣuri-yagi, yeɛni Adlis Iqedsen akk-d tektabt yeţţusemman Aţ-ţɛiceḍ i dayem!, a k-d-ţţunefken baṭel.

 D kečč ara yextiṛen acḥal n tikkal i tebɣiḍ aţ-ţeɣreḍ i smana. Di tektabt-agi, aţ-ţafeḍ si tmeɣri 01 alamma d 60. Aṭas n inelmaden i gḥemmlen ad ssenqden yiwet n tmeɣri i smana.

1.  1. Ɛemmeṛ tawriqt di Internet. Lexbaṛat ara ɣ-d-tefkeḍ, a ten-nessexdem kan iwakken a k-d-nǧaweb ɣef wayen i d-tḍelbeḍ, yeɛni akken aţ-ţemlilem kečč akk-d yiwen Inigi n Yahwa.

2.  2. Yiwen n Inigi n Yahwa a k-d-issiwel. A k-d-issefhem amek i nesɣaray Adlis Iqedsen yerna a k-d-iǧaweb i yesteqsiyen-ik.

3.  3. Aţ-ţemsefhameḍ akk-d win ara k-yesseɣren. Tzemreḍ aţ-ţeɣreḍ deg wexxam-ik, deg wemkan nniḍen, s tilifun, s bidyu, s tebṛatin neɣ s e-mail. Taɣuri-yagi tezmer aţ-ţeṭṭef ssaɛa, meɛna tezmer daɣen aţ-ţeṭṭef qell neɣ akteṛ, ɛlaḥsab n lweqt i tesɛiḍ.

 Ih. Ɛemmeṛ tawriqt di Internet. M’ara k-d-issiwel yiwen n Inigi n Yahwa, ini-yas belli tebɣiḍ aţ-ţɛerḍeḍ aţ-ţeɣreḍ yiwet n tikkelt akken aţ-ţwaliḍ ma teɛǧeb-ak tɣuri neɣ ala. Akken aţ-ţeẓreḍ ayagi, aţ-ţessexdmem tareẓẓit Aţ-ţɛiceḍ i dayem!. Aţ-ţafeḍ deg-s si tmeɣri 01 alamma d 03.

 Xaṭi. Inagan n Yahwa ḥemmlen ad sselmden Adlis Iqedsen i lɣaci, meɛna ur ten-ţḥettimen ara ad uɣalen d Inagan n Yahwa. S leqder, sskanayen kan i lɣaci ayen i gesselmad Wedlis Iqedsen yerna ɣur-sen mkul yiwen yezmer ad yextiṛ ayen swayes ara yamen (1 Buṭrus 3:15, 16).

 Ih, tzemreḍ aţ-ţextiṛeḍ ṭrejma n Wedlis Iqedsen i k-ihwan. Xas akken Inagan n Yahwa ḥemmlen Adlis Iqedsen, Ṭrejma n ddunit tajdiṭ imi yeshel i lefhama yerna iṣeḥḥa, meɛna fehmen belli aṭas n lɣaci i gḥemmlen ad ssexdmen ṭrejma i nnumen ssexdamen.

 Ih. Tzemreḍ a d-tɛerḍeḍ iɛeggalen n twacult-ik neɣ iḥbiben-ik.

 Ih. Mebla ccekk a k-yeɛǧeb akteṛ wahil-agi ajdid n tɣuri, axaṭer icudd swaswa ɣer lmeḥwiǧat i sɛan yemdanen ass-agi. Yemxallaf ɣef win n zik axaṭer llant deg-s ţţewṣifat d bidyuwat, yerna aţ-ţhedṛem akken ilaq ɣef temsal ara tessenqdem.

 Xas akken amur ameqran n inelmaden ishel akteṛ fell-asen ad ɣren Adlis Iqedsen ma yeţɛawan-iten walbeɛḍ, kra nniḍen ḥemmlen ad bdun weḥḥed-sen taɣuri. Aţ-ţafeḍ deg weḥric “Ţţawilat i tɣuri n Wedlis Iqedsen” ayen ara k-iɛiwnen aţ-ţessenqdeḍ Adlis Iqedsen baṭel. Atnah kra n ţţawilat i tzemreḍ aţ-ţessexdmeḍ:

•   Aselmed n Wedlis Iqedsen. Aţ-ţafeḍ deg imagraden-agi imenzayen n Wedlis Iqedsen iṣelḥen i tudert n yal ass. Ɣef lemtel, “Amek ara tqableḍ atqelleq”, “Amek ara tɛiceḍ s ciṭuḥ n idrimen”, “Amek ara tṛebbiḍ dderya-k”.

•   Bidyuwat ireṣṣan ɣef Wedlis Iqedsen. Bidyuwat-agi timecṭaḥ n uselmed ţţarrant-ed ɣef yesteqsiyen yesɛan azal ameqran ireṣṣan ɣef Wedlis Iqedsen.

•   Isteqsiyen ireṣṣan ɣef Wedlis Iqedsen. Aţ-ţafeḍ deg imagraden-agi leǧwab i waṭas n yesteqsiyen yeɛnan Adlis Iqedsen.

•   D acu i d lmeɛna n yefyar-agi? Aţ-ţafeḍ lmeɛna n ṣṣeḥ n kra n yefyar n Wedlis Iqedsen.