Xaṭi. Neţţamen belli Ṛebbi ixleq-ed kullec. Lameɛna ur neţţamen ara s tikti-yagi n wid i d-yeqqaren belli Lqaɛa teţwaxleq-ed di seţţ eyyam n 24 sswayeɛ. Ayɣer? Axaṭer aselmed-agi ur yeɛdil ara d wayen i d-yeqqar Wedlis Iqedsen. Atnah kra n lemtul:

1.   Acḥal i kkan seţţ eyyam-agi n txelqit? Kra seg wid yeţţamnen s tikti-yagi qqaren-d belli Lqaɛa teţwaxleq-ed di seţţ eyyam n 24 sswayeɛ. Meɛna, ameslay “ass” deg Wedlis Iqedsen yezmer ad yeɛnu yiwen n zzman ɣezzifen mliḥ.—Laṣel n ddunit 2:4, Ṭrejma n ddunit tajdiṭ, s tṛumit; Ahellil 90:4.

2.   Acḥal aya fell-as Lqaɛa? Kra seg yemdanen yeţţamnen s tikti-yagi qqaren-d daɣen belli Lqaɛa tesɛa kra n luluf kan n iseggasen. Lameɛna, ɛlaḥsab n Wedlis Iqedsen, Lqaɛa d igenwan llan yakan uqbel seţţ eyyam-nni n txelqit. (Laṣel n ddunit 1:1) Daymi, Inagan n Yahwa ur ţxaṣamen ara imusnawen i d-yeqqaren belli, ɛlaḥsab n wayen i d-ufan, lqaɛa aţ-ţesɛu imelyaṛen n iseggasen.

 Inagan n Yahwa ţţamnen belli ddunit teţwaxleq-ed, lameɛna ur ţţagin ara tussna (lɛilm). Ţţuqennɛen belli ayen i d-ţţafen imusnawen yeɛdel akk-d wayen i d-yeqqar Wedlis Iqedsen.