Nwala belli xilla seg wid yesɛan yakan ddin ḥemmlen ad hedṛen ɣef Wedlis Iqedsen. Yerna ur neţḥettim ula d yiwen ad iḥess i lexbaṛ-nneɣ. Nesteɛṛef belli yal amdan yesɛa lḥeqq ad yamen s wayen i s-ihwan.

 M’ara nheddeṛ d walbeɛḍ ɣef ddin, nxeddem lmeǧhud akken a nheddeṛ s “leḥnana [d] leqder”, akken i ɣ-t-id-iḍleb Wedlis Iqedsen. (1 Buṭrus 3:16) Neɛlem belli kra n lɛibad kan ara iqeblen lexbaṛ-nneɣ, mačči yakk. (Matta 10:14) Meɛna, skud ur nehdiṛ ara i walbeɛḍ, ur nezmir ara a nẓer d acu i geţxemmim. Yerna, neɛlem belli liḥala n medden teţbeddil.

 Kra n yemdanen ţţilin ceɣlen ass ideg ara nṛuḥ a ten-id-nẓer, meɛna ur ţţilin ara ceɣlen ass nniḍen. Llan daɣen kra n medden i d-iţɛeddayen di cceddat neɣ i geţɛicen liḥalat ţ-ţijdidin, ţţuɣalen ţţarran ddehn-nsen ɣer Wedlis Iqedsen. Daymi i neţṛuḥu aṭas iberdan bac a d-nẓer lɛibad deg yexxamen-nsen.