5
Lexbaṛ n Wedlis Iqedsen
Yahwa Ṛebbi yesɛa lḥeqq ad yeḥkem. Leḥkem-ines d win yifen akk wiyaḍ. Lmeqsud-is i lqaɛa akk-d lɛibad a d-yeḍru.
Mbeɛd 4026 qb.Ɛ. “Azrem” ixuṣem Yahwa di lḥeqq i gesɛa ad yeḥkem yerna ixuṣem-it daɣen deg wamek i gḥekkem. Yahwa yewɛed a d-yefk “dderya”, neɣ “ccetla” ara imeḥqen ɣer taggara azrem-agi, yeɛni Cciṭan. (Laṣel n ddunit 3:1-5, 15) Acu kan, yeǧǧa lweqt i lɛibad ad ḥekmen ɣef yiman-nsen ddaw n tezmert n wezrem. |
1943 qb.Ɛ. Yahwa yenna i Abṛaham belli si tarwa-s ara d-tekk ‘dderya-nni’ i gewɛed.—Laṣel n ddunit 22:18. |
Mbeɛd 1070 qb.Ɛ. Yahwa yeḍmen i ugellid Dawed, kra n lweqt mbeɛd i mmi-s Sliman, belli ‘dderya-nni’ i d-yewɛed a d-tekk si tarwa-nsen.—2 Camwil 7:12, 16; 1 Igelliden 9:3-5; Icɛaya 9:5, 6. |
29 bɛ.Ɛ. Yahwa issken-ed belli d Ɛisa i d “dderya” i gewɛed; d neţţa ara iweṛten akersi n leḥkem n Dawed.—Igalatiyen 3:16; Luqa 1:31-33; 3:21, 22. |
33 bɛ.Ɛ. Azrem-nni, yeɛni Cciṭan, yeqqes “dderya” i gewɛed Ṛebbi mi gella d ssebba n lmut n Ɛisa. Yahwa yesseḥya-d Ɛisa bac ad iɛic deg igenni yerna yeqbel azal i tesɛa tudert-ines ikemlen; annect-a yefka-yas tagniţ ad isemmeḥ ddnubat w’ad yefk i lɛibad imednuben tudert n dayem i gesṛuḥ Adam.—Laṣel n ddunit 3:15; Lecɣal 2:32-36; 1 Ikurintiyen 15:21, 22. |
Leǧwahi n 1914 bɛ.Ɛ. Ɛisa iḍegger-ed azrem-nni, yeɛni Cciṭan, ɣer lqaɛa yerna iḥettem-it ad yeqqim din cwiṭ n lweqt.—Aweḥḥi 12:7-9, 12. |
Ɣer zdat Ɛisa yerra Cciṭan ɣer lḥebs anda ara yeqqim 1 000 iseggasen, mbeɛd amzun imḥeq-as aqerru, yeɛni yessenger-it. Lmeqsud i d-ihegga Yahwa si laṣel i lqaɛa akk-d lɛibad yeḍra-d; isem-is yuɣal zeddig yerna iban-ed belli yesɛa lḥeqq ad yeḥkem akken i gebɣa.—Aweḥḥi 20:1-3, 10; 21:3, 4. |