“Adlis agi n ccariɛa ur ittixxiṛ ara seg yimi-k. Ţmeyyiz fell-as am yiḍ am wass, iwakken aţ-ţḥerrzeḍ yerna aţ-ţxeddmeḍ ayen meṛṛa yuran deg-s; swakka, ad ṣegmen iberdan-ik yerna aţ-ţrebḥeḍ.”

Yacuɛa 1:8

“Qqaren-d s leɛqel deg wedlis n ccariɛa n Yillu, yerna ţfessiren-d iwakken a d-sfehmen ayen i d-qqaren.”

Naḥamya 8:8

“D aseɛdi win ur nţeddu ara s lewṣayat n yemcumen [...]. Di ccariɛa kan n [Yahwa] i geţţaf lfeṛḥ-is, am yiḍ am wass, iţmeyyiz fell-as. [...] Irebbeḥ deg wayen akw ixeddem.”

Ahellil 1:1-3

“Filibus [...] isla-yas [i Ukuci] iqqar deg wedlis n nnbi Icɛaya. Inna-yas: ‘Tfehmeḍ d acu i teqqareḍ?’ Inna-yas: ‘Amek ara fehmeɣ m’ulac win ara yi-d-isfehmen?’”

Lecɣal 8:30, 31

 “Seg wasmi i d-texleq ddunit, ayen yeffren ɣef wallen, tazmert-is n dayem akw-d tṛebbanit-is ţbanen-d ɛinani di lecɣwal-is.”

Iṛumaniyen 1:20

“Lhu-d d wayagi, err ddehn-ik mliḥ s ayagi, iwakken medden meṛṛa ad walin amek i tleḥḥuḍ ɣer zdat.”

1 Timutawus 4:15

“An-neţţemḥadar ihi gar-aneɣ, wa ad isseḥṛac wa ɣer leḥmala akw-d lefɛayel yelhan. Ur ilaq ara an-nettixxeṛ seg unejmaɛ-nneɣ.”

Iɛebṛaniyen 10:24, 25

“Win deg-wen ixuṣṣen di lekyasa, a ţ-issuter i Yillu, i d-iţţaken i medden meṛṛa mebla cceḥḥa, mebla alummu, dɣa a s-d-teţţunefk.”

Yeɛqub 1:5