ASTEQSI WIS 5
D acu-t lexbaṛ i d-yewwi Wedlis Iqedsen?
“Ad sbeddeɣ taɛdawit gar-ak ţ-ţmeṭṭut, ger dderya-k d dderya-s: Neţţat a k-temḥeq aqerru, kečč a ţ-teqseḍ seg ugwerz.”
“S tarwa-k, ad ţţubarken leǧnas meṛṛa n ddunit, axaṭer tuɣeḍ-iyi awal.”
“Tagelda-k a d-tas, lebɣi-k a d-iḍru di lqaɛa akken yeḍra deg igenwan.”
“Illu n lehna qrib ad imḥeq Cciṭan ddaw n iḍarren-nwen.”
“M’ara s-d-yerr kullec ddaw n lḥekma-s, neţţa daɣen, Amemmit, ad yuɣal ddaw n lḥekma n win i s-d-irran kullec ddaw n lḥekma-s, iwakken ad yili Yillu, d kullec [i] mkul yiwen.”
“Lewɛud ţţunefken-d i Abṛaham akw-d dderya-s [...], yeɛni Lmasiḥ. Ma tellam n Lmasiḥ, aql-ikwen ihi d dderya n Abṛaham.”
“Tageldit n ddunit tuɣal i Ssid-nneɣ akw-d Lmasiḥ-is, yerna ad iḥkem si lǧil ɣer lǧil.”
“Iţwanefḍ-ed lweḥc nni ameqwran, azrem nni n zik, yeţţusemman Iblis, Cciṭan, win yeţɣurrun ddunit meṛṛa; iţwanefḍ-ed ɣer lqaɛa, yerna ula d lmuluk-is ţwanefḍen-d yid-es.”
“Iṭṭef-ed lweḥc nni, azrem nni n zik, yellan d Iblis, d Cciṭan, dɣa yurez-it i walef n iseggwasen.”