“Lǧens a d-ikker ɣer lǧens, tageldit ɣer tgelda [...]. Ayagi meṛṛa, d beddu n leɛtab.”

Matta 24:7, 8

“Aṭas n lanbeyya n lekdeb ara d-ikkren; ad ɣurren aṭas lɣaci. Seg wakken ara yaweḍ lbaṭel ɣer lḥedd-is, aţ-ţismiḍ leḥmala n waṭas.”

Matta 24:11, 12

“Aţ-ţeslem s ṭṭradat akw-d dderz n ṭṭradat, ur tqelliqet ara: ilaq a d-iḍru wayagi. Lameɛna mačči ţ-ţaggara.”

Marqus 13:7, 8

“A d-ilint zlezlat timeqwranin; di kra n imukan, a d-ilint ţţerkat, a d-yili laẓ; a d-ilint rrehbat, a d-banent limaṛat timeqwranin deg igenni.”

Luqa 21:11

 “Deg wussan ineggura a d-ilin lewqat iweɛṛen. Imdanen ad ilin d wid iḥemmlen kan iman-nsen, d iṭemmaɛen, d imzuxxiyen, d imkebbṛen, d ijeddaren, d imɛuṣa n imawlan, d inekkaṛen n lxiṛ, ur ţqadaren ara Illu, ur seɛɛun ara ṛṛeḥma, qquren wulawen-nsen, d iqejjamen, d imencaf, d uqsiḥen, d iɛdawen n lxiṛ, d ixeddaɛen, d iḥemmaqen, d at ţnefxa, d wid iḥemmlen zzhu wala Illu, a d-ţbanen d wid yeţţagwaden Illu, lameɛna nekṛen tazmert-is.”

2 Timutawus 3:1-5