“I kem, a Bit-Liḥim Ifraṭa, [...] seg-m ara yi-d-iffeɣ win ara iḥekmen Isṛayil.”

Mixa 5:1

“Mi d-ilul Yasuɛ di Bit-Liḥim n Yahuda, di lweqt n ugellid Hiṛudus, usan-d kra n imusnawen n yetran si ccerq ɣer Yarucalim.”

Matta 2:1

“Ferqen llebsa-w gar-asen, gren tasɣart ɣef uqendur-iw.”

Ahellil 22:19

“Mi semmṛen Sidna Ɛisa [...], lɛeskeṛ ddmen-d iceṭṭiḍen-is feṛqen-ten ɣef ṛebɛa [...]; iqqim-d ujellab-is ur nefṣil ur nxaḍ, mazal-it akken izḍa seg yixef ɣer wayeḍ. Heddṛen waygar-asen, nnan: Acuɣeṛ ara t-ncerreg, yyaw axiṛ a nger tasɣart fell-as a nẓer anwa ara t-yawin.”

Yuḥenna 19:23, 24, Awal n tudert

“Iḥrez iɣsan-is meṛṛa, yiwen deg-sen ur irriẓ.”

Ahellil 34:21

“Mi qerrben ɣer Yasuɛ, walan belli yemmut yakan, dɣa ur s-rẓin ara iḍarren.”

Yuḥenna 19:33

“Dɣa weznen-iyi-d tlatin n iṣurdiyen n lfeṭṭa, d lexlaṣ-iw.”

Zaxarya 11:12, 13

“Imiren, yiwen si Tnac nni, win yeţţusemman Yahuda n Qiryut, iṛuḥ s imeqwranen n lmuqeddmin. Inna-yasen: ‘D acu i tebɣam a yi-t-tefkem? Nekk, a wen-t-sellmeɣ.’ Weznen-as tlatin n twiztin n lfeṭṭa.”

Matta 26:14, 15; 27:5

“A d-zzin tamuɣli-nsen ɣur-i, ɣer win akken ifetken.”

Zaxarya 12:10

“Yiwen si lɛeskeṛ nni ifetk-as ibeṛdi s umezrag-is; imiren kan, ffɣen-d idammen akw-d waman.”

Yuḥenna 19:34