AḤRIC WIS 4

Seg ugellid amezwaru n Isṛayil ar lɣerba di Babil

Cawul yuɣal d agellid amezwaru n Isṛayil. Lameɛna Yahwa yerra-​t deg idis, yextaṛ Dawed akken ad yuɣal d agellid deg wemkan-​is. A nwali aṭas n leḥwayeǧ ɣef Dawed. Asmi i gella d ilemẓi, ixuṣem Gulyat, yiwen wergaz yesɛan lqedd annect-​ila-​t. Mbeɛd, yerwel ɣef liǧal n tismin n ugellid Cawul. Yiwen wass, Abigayil tuzyint teḥbes afus n Dawed akken ur ixeddem ara lexsaṛa.

Mbeɛd, a nwali aṭas n leḥwayeǧ ɣef Sliman, mmi-​s n Dawed, i guɣalen d agellid deg wemkan n baba-​s. Tlata igelliden imezwura n Isṛayil ḥekmen, yal yiwen seg-​sen, 40 n sna. Si lmut n Sliman d asawen, Isṛayil yebḍa ɣef snat tgeldiwin (lḥukumat): tagelda n umalu akk-​d tgelda n usammer.

Tagelda n umalu, yesɛan ɛecṛa leɛṛac, tbedd 257 iseggasen uqbel a ţ-​sseɣlin wat Acur. Tagelda n usammer neţţat tesɛa sin leɛṛac. Mi ɛeddan 133 iseggasen nniḍen, d nnuba-​s aţ-​ţeţwanger ula d neţţat. Imiren i ţwanfan wat Isṛayil ɣer Babil (Babilun). Aḥric-​agi wis ṛebɛa a d-​yeḥku 510 iseggasen n tedyanin issedhacen yeḍran di zzman aqdim.