Si lɣerba di Babil ar uɛiwed n lebni n leṣwar n Yarucalim
AḤRIC WIS 5
Si lɣerba di Babil ar uɛiwed n lebni n leṣwar n Yarucalim
Asmi i llan d imenfiyen di Babil, At Isṛayil ţţujeṛṛben aṭas n tikkal di liman-nsen. Cadrax, Micax akk-d Ɛabdnaɣu ţţuḍeggren ɣer ufurnu n uḥeǧǧaǧu n tmes, lameɛna Ṛebbi imneɛ-iten. Ɣer zdat, asmi i steɛmṛen At Maday d wat Faras tamdint n Babil, Danyil yeţţuḍegger ɣer tesraft n yizmawen, lameɛna isellek-it Ṛebbi ula d neţţa.
Ɣer taggara, agellid n Faras, yeţţusemman Sirus, iɛemmed i wat Isṛayil ad ffɣen si Babil. Uɣalen ɣer tmurt-nsen mi qeflen 70 iseggasen seg wasmi i ţwaḥebsen di Babil. Yiwet ger leḥwayeǧ meṛṛa i xedmen mi wwḍen ɣer Yarucalim, d lebni n lemqam n Yahwa. Lameɛna, iɛdawen n wat Isṛayil ur ɛeṭṭlen ara ḥebsen-asen lxedma. Daɛneţţa, armi i ɛeddan 22 iseggasen seg wasmi i d-uɣalen ɣer Yarucalim i fukken lebni n lemqam.
Mbeɛd, a d-nemmslay ɣef Ɛazra (Isdṛas) i d-yuɣalen ɣer Yarucalim akken ad izewweq lemqam. Ixdem annect-a asmi i ɛeddan 47 iseggasen segmi i gfukk lemqam s lebni. Ɛeddan 13 iseggasen nniḍen, Naḥamya iɛawen At Isṛayil di lebni n leṣwar ihudden n Yarucalim. Aḥric wis xemsa a d-yeḥku 152 iseggasen n wayen yeḍran di zzman aqdim.
