AḤRIC WIS 3

Si leslak si Maṣer ar ugellid amezwaru n Isṛayil

Musa yessukkes-​ed At Isṛayil seg uzaglu n Maṣer, yewwi-​ten s adrar n Sinay anda i sen-​d-​yefka Ṛebbi leqwanen-​is. Umbeɛd, Musa iceggeɛ 12 n yergazen ara issenqden tamurt n Kanɛan. Lameɛna ɛecṛa seg-​sen uɣalen-​d s lexbaṛ issefcalen. Wwin agdud armi yeţmenni ad yuɣal ɣer Maṣer. Imi xuṣṣen di liman, Ṛebbi iɛuqeb At Isṛayil, yeǧǧa-​ten ad mmenṭaren 40 iseggasen deg uneẓruf.

Ɣer taggara, Ṛebbi yextaṛ Yacuɛa akken ad issiweḍ At Isṛayil ɣer tmurt n Kanɛan. Akken a ten-​iɛiwen ad steɛmṛen tamurt, Yahwa yexdem lbeṛhanat. Iḥbes aman n wasif n Uṛdun, isseɣli ṣṣur n Yariḥu yerna s lqeḍra-​s, iṭij ur iḥerrek ara ass kamel. Ɛeddan seţţa iseggasen d wamek i steɛmṛen tamurt n Kanɛan.

Si Yacuɛa d asawen, d leqwaḍi (inezzurfa) i gḥekmen ɣef tmurt n Isṛayil 356 iseggasen. A nwali aṭas n leḥwayeǧ ɣef kra seg-​sen, am Baraq, Gidɛun, Iftaḥ, Cimcun akk-​d Camwil. A d-​nemmeslay daɣen ɣef kra n tlawin am Raḥab, Dabuṛa, Yaɛil, Rut, Naɛumi akk-​d Dalila. Aḥric wis tlata a d-​yeḥku 396 iseggasen n wayen yeḍran di zzman aqdim.