Si tlalit n Ɛisa armi d lmut-is
AḤRIC WIS 6
Si tlalit n Ɛisa armi d lmut-is
Lmelk Jebrayil yeţţuceggeɛ ɣer yiwet n tlemẓit yelhan iţţusemman Meryem. Ixebbeṛ-iţ belli a d-tesɛu aqcic ara yilin d agellid i dima. Aqcic-agi isem-is Ɛisa. Ṛuḥen-d imeksawen a t-ẓren deg udaynin anda ilul. Umbeɛd, yiwen n yetri iwelleh kra n yergazen i d-yusan si Ccerq ɣer weqcic-agi amecṭuḥ. A nẓer anwa i ten-yewwin ad walin itri-yagi d wamek yeţţusellek Ɛisa si lmut.
Mi gewweḍ Ɛisa 12 n sna di leɛmeṛ-is, yeqqim ger lecyux di lemqam (lǧameɛ iqedsen), isteqsay-iten. Tmenṭac iseggasen umbeɛd, Ɛisa yeţwaɣḍes. Imiren yebda aberreḥ ɣef Tgelda (lḥukuma) n Ṛebbi akk-d uselmed iɣef i t-id-iceggeɛ Ṛebbi ɣer lqaɛa. Ɛisa yextaṛ 12 n yergazen i gerra d imceggɛen (ṛṛusul) iwakken a t-ɛiwnen di ccɣel-agi.
Ɛisa yexdem diɣen ayendin n lbeṛhanat. Yessečč luluf n yemdanen s kra kan n iselman (iḥutiwen) d weɣrum. Isseḥla wid yuḍnen yerna yesseḥya-d ula d lmeggtin. Ɣer taggara, a nwali aṭas n leḥwayeǧ yeḍran d Ɛisa ass aneggaru n tudert-is d wamek yemmut. Ɛisa iberreḥ azal n tlata iseggasen d nnefṣ. Aḥric wis seţţa a d-yemmeslay ɣef wakteṛ n 34 iseggasen.