IXEF AMEZWARU
Tideţ ɣef Ṛebbi
-
Ṛebbi yeţḥebbiṛ s ṣṣeḥ fell-ak?
-
Amek yemmug (iga) Ṛebbi? Yesɛa isem?
-
Tzemreḍ aţ-ţqerrbeḍ ɣur-es?
1, 2. Ayɣer i ɣ-yelha a nesteqsay?
YELLA wasmi i terriḍ ddehn-ik ɣer warrac imecṭaḥ amek i steqsayen? Xilla seg-sen beddun asteqsi akken kan ara issinen ad hedṛen. Ɣef lemtel, a d-ceɛlen allen-nsen w’a k-d-ḍelben: ‘Ayɣer igenni d azegzaw (amidadi)? Sani i geţṛuḥu yiṭij deg yiḍ? Acuɣer i ţɣennin yefṛax?’ Aţ-ţnadiḍ a sen-terreḍ leǧwab, lameɛna tikwal mačči d ayen isehlen. Ɣas ma yella leǧwab-ik ifaz, yezmer lḥal a k-d-inin: ‘Acuɣer?’
2 Acu kan, mačči ala arrac imecṭaḥ i gesteqsayen. Ula d nekni, skud neţţimɣur, nesteqsay: akken a nẓer anwa abrid ara neṭṭef, bac a nẓer amek ara nerwel i wayen i gzemren a ɣ-iḍurr, neɣ bac kan a nissin leḥwayeǧ. Lameɛna, iţban-ed belli xilla n lɛibad i gḥebbsen ur steqsayen ara am zik, abeɛda ɣef wayen yesɛan azal ameqran. Neɣ, nezmer a d-nini belli ur ţqelliben ara kan leǧwab.
3. Acimi aṭas i gḥebsen ur ţqelliben ara leǧwab ɣef yesteqsiyen yesɛan azal akk meqqren?
3 Xemmem kan i westeqsi yellan ɣef teɣlaft n tektabt-a, i
yesteqsiyen yuran di tazwart neɣ i wid yellan di tazwara n yixef-agi amenzu. D isteqsiyen am wigi i gesɛan azal akk meqqren iɣef i tzemreḍ aţ-ţmeyyzeḍ. Acu kan, aṭas i gḥebsen ur ţqelliben ara leǧwab. Acimi i ḥebsen? Leǧwab-agi nezmer a t-naf deg Wedlis Iqedsen? Llan wid i gɣilen belli leǧwab i d-ikkan seg-s yewɛeṛ mliḥ i lefhama. Kra nniḍen ugaden ad ḥeṣlen (ɛewwqen) ma yella ḥewwsen ad fehmen. Kra diɣen qqaren belli isteqsiyen-a ɛnan kan lecyux akk-d lɛulama n ddin. I kečč, acu i tenniḍ?4, 5. Efk-ed kra n yesteqsiyen imeqranen yeɛnan tudert. Acuɣer i glaq a nqelleb ɣef leǧwab?
4 Ahat tebɣiḍ aţ-ţafeḍ leǧwab i yesteqsiyen imeqranen yeɛnan tudert. Bla ccekk, tikwal testeqsayeḍ iman-ik, teqqareḍ-as: ‘Ayɣer i d-nusa ɣer ddunit? Nezmer a nessirem tudert yifen tagi? Amek i iga Ṛebbi?’ D ayen yelhan ma teţxemmimeḍ ɣef yesteqsiyen-a, yerna ur ilaq ara aţ-ţḥebseḍ anadi skud ur d-tufiḍ ara leǧwab ara k-iqennɛen, leǧwab iɣef yella leţkal. Ɛisa Lmasiḥ, yellan d aselmad (ccix) mechuṛen, yenna-d: “Sutret, a wen-d-iţţunefk! Nadit, aţ-ţafem! Seṭbeṭbet, a wen-d-teldi!”—Matta 7:7.
5 Ma teţnadiḍ leǧwab ɣef yesteqsiyen yesɛan azal ameqran, aţ-ţwaliḍ belli anadi-yagi a k-infeɛ mliḥ. (Lemtul 2:1-5) Akken yebɣu yili wayen i k-d-nnan medden, leǧwab yella yerna tzemreḍ a t-tafeḍ. Anda? Deg Wedlis Iqedsen. Leǧwab-agi ur yewɛiṛ ara aṭas i lefhama. Nnig n waya, yeţţak-ed asirem d lfeṛḥ yerna yezmer a k-iɛiwen akken aţ-ţɛiceḍ si tura di sseɛd. Lameɛna, uqbel kullec, a nwali asteqsi i gerḥan xilla n yemdanen.
ṚEBBI UR YEŢḤUSSU S WACEMMA YERNA QESSIḤ?
6. Ayɣer aṭas i s-yeqqaren belli Ṛebbi ur yeţḥussu s wacemma m’ara tmeḥḥinen lɛibad?
6 Aṭas n yemdanen ara d-yinin ‘ih’. Ţmeyyizen: ‘Lukan yeţḥebbiṛ fell-aneɣ Ṛebbi, ur ixeddem ara ayen
ilaqen iwakken aţ-ţbeddel ddunit-agi?’ Anda ma nedda neţwali ala lgirrat, lkeṛh d lḥif. Akken ma nella nhellek, netmeḥḥin yerna ţmeţţaten wid i neţḥibbi. Daymi xilla qqaren-as: ‘Lemmer yeţḥebbiṛ Ṛebbi fell-aneɣ yerna yeţḥebbiṛ ɣef iɣeblan-nneɣ, ad yeǧǧ a d-ḍrunt leḥwayeǧ-agi meṛṛa?’7. a) Wid yesɣarayen ddin, amek i ţţawin lmumnin ad ɣilen belli Ṛebbi qessiḥ? b) Acu yesselmad s ṣṣeḥ Wedlis Iqedsen ɣef cceṛ i d-neţmagar?
7 Tikwal d wid yesɣarayen ddin s yiman-nsen i geţţawin lmumnin ad ɣilen belli Ṛebbi qessiḥ. Amek meḥsub? M’ara ḍerrunt twaɣiyin, qqaren-asen belli ayagi d lebɣi n Ṛebbi; am wakken d neţţa i d ssebba n wayen yeḍran. Eɛni ţ-ţideţ wayen akka i d-qqaren? Acu yesselmad s ṣṣeḥ Wedlis Iqedsen? Yeɛqub 1:13 yerra-d leǧwab: “M’ara yeţţujeṛṛeb yiwen, ur iqqar ara: ‘D Illu i y-iţjeṛṛiben.’ Illu ur izmir ara a t-iɣurr cceṛ, yerna neţţa ur iţɣurru yiwen.” Ihi, d lmuḥal ad yili Ṛebbi d ssebba n cceṛ i teţwaliḍ di ddunit. (Ɣer-ed Yub 34:10-12.) D ṣṣeḥ, yeţɛemmid i lmuṣibat ad ilint. Lameɛna, yella lxilaf ameqran ger uɛemmed i lḥaǧa akk-d usebbeb-ines.
8, 9. a) Efk-ed lemtel bac a d-tessekneḍ lxilaf yellan ger uɛemmed n cceṛ akk-d usebbeb-ines. b) Iwacu d lbaṭel ma nenna-d belli d Ṛebbi i d ssebba n wuguren i d-ţmagaren yemdanen?
8 A d-nefk lemtel n yiwen ubabat yesɛan lefhama yerna yeččuṛen d leḥmala. Yiwen seg warraw-is, yellan d ameqran, yeţɛici ɣur-es. Mmi-s-agi yuɣal d amɛaṣi, yeqsed ad yeffeɣ axxam. Baba-s ur t-id-iḥbis ara. Ɣer taggara yeffeɣ i webrid, dɣa yewwi-d lhemm i uqerru-yis. Eɛni d baba-s i d ssebba n wayen akka i s-yeḍran? Xaṭi. (Luqa 15:11-13) Akken diɣen, Ṛebbi ur d-iḥbis ara lɛibad yextaṛen yir abrid, meɛna ur yelli ara d ssebba n wuguren i d-tewwi tikli-nsen. Ihi, ma nenna-d belli d Ṛebbi i d ssebba n wuguren i d-ţmagaren yemdanen, ayagi d lbaṭel.
yixef wis 11 aţ-ţeẓreḍ akteṛ n leḥwayeǧ ɣef ssebbat-a. Acu kan, ḥṣu belli mačči sɣur Ṛebbi i d-tekkent cceddat i d-neţmagar. Meɛna, yefka-yaɣ-d asirem swayes ara frunt.—Icɛaya 33:2.
9 Llant ssebbat iɣef i geǧǧa Ṛebbi imdanen ad tebɛen yir abrid. Imi yella d Axellaq-nneɣ ukyis yerna d Bab n lqewwa, ur iţţuḥettem ara a ɣ-d-issefhem d acu-tent ssebbat-agi. Ɣas akken, imla-yaɣ-tent-id axaṭer iḥemmel-aɣ. Deg10. Acimi i nezmer a neţkel belli Ṛebbi ad imḥu yakk lexsaṛa i d-yewwi cceṛ?
10 Tella lḥaǧa nniḍen: Ṛebbi d imqeddes. (Icɛaya 6:3) Lmeɛna-s yeṣfa; ur neţţaf ula d cwiṭ n cceṛ ɣur-es. Nezmer a neţkel mliḥ fell-as. Ur nezmir ara a d-nini akka ɣef yemdanen imi i ten-ikeččem tikwal lefsad. Ula d aneḥkam akk i gelhan ur yesɛi ara dima tazmert ad ikkes lemḍerra i d-yeţţawi wayen i xeddmen yemcumen. Ṛebbi, neţţa, d Bab n Tezmert. Yezmer ad imḥu lexsaṛa yakk i d-yewwi cceṛ i yemdanen, yerna d ayen ara yexdem. Ad ikkes ayagi i dima asm’ara d-iger afus-is.—Ɣer-ed Ahellil 37:9-11.
ACU YEŢXEMMIM ṚEBBI ƔEF LBAṬEL I D-NEŢMAGAR?
11. a) D acu i geţxemmim Ṛebbi ɣef lbaṭel? b) D acu i geţxemmim Ṛebbi ɣef lemḥayen i tesɛeddayeḍ?
11 D acu i geţxemmim Ṛebbi ɣef wayen i gḍerrun di ddunit d wayen i k-iḍerrun di tudert-ik? Adlis Iqedsen isselmad belli Ṛebbi “iḥemmel lḥeqq.” (Ahellil 37:28) Ihi yeţḥebbiṛ mliḥ ɣef wayen i gḍerrun, ama d lxiṛ ama d cceṛ. Ikṛeh lbaṭel, akken yebɣu yili. Adlis Iqedsen yenna-d belli Ṛebbi yeḥzen wul-is asmi i gwala cceṛ iɛum di ddunit. (Laṣel n ddunit 6:5, 6) Ṛebbi ur ibeddel ara. (Malaxi 3:6) Mazal-it yekṛeh lemḥayen i gqerrḥen imdanen akken ma llan. Ikṛeh ad iẓer lɛibad ţţenɛeţţaben. Adlis Iqedsen yenna-d: “Iţḥebbiṛ fell-awen.”—Ɣer-ed 1 Buṭrus 5:7.
12, 13. a) Nesɛa ṣṣifat; ɣef lemtel leḥmala. Acimi? D acu i ɣ-teţţawi leḥmala a nḥuss m’ara neţwali lbaṭel i gḍerrun di ddunit? b) Iwacu i tzemreḍ aţ-ţţekleḍ belli Ṛebbi ad ifru cceddat n lɛibad?
Laṣel n ddunit 1:26) Ihi, nesɛa ṣṣifat axaṭer yesɛa-tent Ṛebbi. Ɣef lemtel, iţţeqraḥ-ik lḥal m’ara teţwaliḍ tmeḥḥinen wid ur nexdim acemma? Ma yella iţţeqraḥ-ik wul-ik m’ara teţwaliḍ lbaṭel, ḥṣu belli Ṛebbi iţɣaḍ-it lḥal akteṛ.
12 Amek i nezmer daɣen a netḥeqqeq belli Ṛebbi yekṛeh ad iẓer lemḥayen? Atan ţţbut nniḍen. Adlis Iqedsen isselmad belli lɛebd iţwaxleq-ed ɣef ṣṣifa n Ṛebbi. (13 Lḥaǧa ifazen akk i sɛan yemdanen d leḥmala. D ayen daɣen i neţţaf ɣur Ṛebbi. Adlis Iqedsen yesselmad belli ‘Ṛebbi d leḥmala.’ (1 Yuḥenna 4:8) Ihi nḥemmel axaṭer Ṛebbi iḥemmel. Ur k-teţdemmir ara leḥmala aţ-ţekkseḍ lbaṭel akk-d leɛtab yellan di ddunit? Lukan di tesɛiḍ tazmert, aţ-ţxedmeḍ ayagi? Wagi d ayen ibanen! Ihi, tzemreḍ aţ-ţţekleḍ belli Ṛebbi ad imḥu leɛtab akk-d lbaṭel. Lewɛud-nni yellan di tazwart n tektabt-a mačči ţ-ţargit neɣ d asirem n lekdeb. Lewɛud n Ṛebbi ad ḍrun bla ccekk! Acu kan, iwakken aţ-ţamneḍ s lewɛud-agi, ilaq-ak aţ-ţissineḍ akteṛ Ṛebbi i ten-id-ifkan.
ṚEBBI YEBƔA AŢ-ŢEẒREḌ MENHU I GELLA
14. Anwa i d isem n Ṛebbi, yerna acimi i glaq a t-nessexdam?
14 Ma yella tebɣiḍ a k-yissin walbeɛḍ, d acu ara txedmeḍ? A s-d-tiniḍ isem-ik. I Ṛebbi, yesɛa isem? Xilla n ddyanat i d-yeqqaren belli Uhellil 83:18: “Kečč, i geţţusemman Yahwa, d kečč kan i gellan d Win Ɛlayen ɣef lqaɛa meṛṛa!” (Traduction du monde nouveau, MN). Deg Wedlis Iqedsen s teqbaylit, neţţaf isem n Ṛebbi di Tuffɣa 17:15. Bac aţ-ţeẓreḍ ayɣer ur yelli ara yisem-agi di xilla n ṭrejmat n Wedlis Iqedsen, wali timerna yeţţusemman: “Isem n Ṛebbi: Amek i t-ssexdamen? Acu i d lmeɛna-s?” Di tin n ṣṣeḥ, isem n Ṛebbi d luluf n tikkal i gella deg iţafţaren n zik n Wedlis Iqedsen. Ɣef wayagi i gebɣa Yahwa aţ-ţissineḍ isem-is w’a t-tessexdmeḍ. Amzun akken yessexdem Adlis Iqedsen bac a k-d-ibeggen menhu i gella.
isem-is “Ṛebbi”, “Illu” neɣ “Ssid”. Lameɛna wigi mačči d ismawen n ṣṣeḥ, d ṣṣifat kan, am “sselṭan” neɣ “lḥakem”. Adlis Iqedsen yesselmad belli llan xilla n imeslayen i d-iţweṣṣifen Ṛebbi, gar-asen “Illu” akk-d “Ssid”. Lameɛna, yeqqar-ed daɣen belli Ṛebbi yesɛa isem n ṣṣeḥ. Isem-agi d “Yahwa”. Yura deg15. Acu i d lmeɛna n yisem n Yahwa?
15 Ṛebbi yefka i yiman-is isem yesɛan lmeɛna. Isem-agi, Yahwa, iţbeggin-ed belli Ṛebbi yezmer ad yessiweḍ lewɛud-is meṛṛa yerna ad isseḍru ayen akk yebɣa si lmeqsud-is. * Isem n Ṛebbi ixulef akk wiyaḍ. D neţţa kan i t-yesɛan. Yahwa d amxalef deg waṭas n leḥwayeǧ. Acu i d lmeɛna n wayagi?
16, 17. Acu i ɣ-sselmaden ɣef Yahwa imeslayen-agi: a) “Anezmar”? b) “Agellid n lebda”? c) “Axellaq”?
Ahellil 83:18 yeqqar-ed ɣef Yahwa: “D kečč kan i gellan d Win Ɛlayen.” Kifkif daɣen, ala Yahwa i geţţusemman “Anezmar”, yeɛni Bab n Tezmert. Aweḥḥi 15:3 yeqqar-ed: “Lecɣwal-ik meqqwrit yerna steɛǧiben, a Sidi, Illu Anezmar!” Ameslay-agi “Anezmar”, yesselmad belli Yahwa yesɛa tazmert ur yesɛi yiwen. Tazmert-is ur tesɛi ara tamtilt; tekka-d nnig akk tiyaḍ. Di 1 Timutawus 1:17, Yahwa yeţţusemma ‘Agellid n lebda.’ Imeslayen-a smektayen-aɣ-d belli Yahwa d amxalef deg wayen nniḍen: ala neţţa i gellan si lebda. Neţţaf deg Uhellil 90:2 lehduṛ-agi: “Si lebda, i dayem, kečč d Illu.” Ayagi yessemɣay-ed lhiba deg wulawen-nneɣ!
16 Nwala belli17 Yahwa d amxalef daɣen, imi ala neţţa kan i d Axellaq. Nezmer a nɣer deg Uweḥḥi 4:11: “I kečč, a Ssid-nneɣ, ay Illu-nneɣ, lɛaḍima, ccan akw-d tezmert, axaṭer txelqeḍ-d mkul lḥaǧa, yerna s lebɣi-k i d-tella, i d-teţwaxleq!” Ama d lmalayekkat yellan deg igenwan neɣ d itran i d-iţbanen deg yiḍ, ama d lfakya n ttjuṛ neɣ d lḥut i geţɛummun di lebḥuṛ akk-d isaffen, kulci d Yahwa i t-id-ixelqen!
TZEMREḌ AŢ-ŢQERRBEḌ ƔER YAHWA?
18. Ayɣer i ţxemmimen kra n medden belli d lmuḥal ad ssiwḍen ad qerrben ɣer Ṛebbi, lameɛna d acu i gesselmad Wedlis Iqedsen?
18 Kra n lɛibad ḥeqqren iman-nsen m’ara ɣren tiktabin i d-iheddṛen ɣef ṣṣifat yessewhamen n Yahwa. Ţḥussun am wakken Yahwa yebɛed mliḥ fell-asen, am wakken d lmuḥal ad ssiwḍen ad qerrben ɣur-es, neɣ am wakken ur swin ara maḍi zdat n Ṛebbi ɛlayen akk annect-a. Lameɛna, sɛan lḥeqq imi ţxemmimen akka? Xaṭi, mačči d ayen akk i gesselmad Wedlis Iqedsen, axaṭer yeqqar-ed belli Yahwa d Win “ur nebɛid ara ɣef mkul yiwen deg-nneɣ.” (Lecɣal 17:27) Adlis Iqedsen yeqqar-ed daɣen: “Qerrbet ɣer Yillu, a d-iqerreb ɣur-wen.”—Yeɛqub 4:8.
19. a) Amek i nezmer a nqerreb ɣer Ṛebbi, yerna d acu ara ɣ-d-yawi wayagi? b) Anti ṣṣifat n Ṛebbi i k-iɛeǧben akteṛ?
Yuḥenna 17:3) Ţ-ţideţ, Adlis Iqedsen yesselmad belli ma neţnadi a nissin Yahwa akk-d Ɛisa, ayagi a ɣ-yawi ɣer ‘tudert n dayem.’ Am wakken i t-id-nenna yakan, ‘Ṛebbi d leḥmala.’ (1 Yuḥenna 4:16) Yahwa yesɛa aṭas n ṣṣifat nniḍen yeţţeɛǧaben yerna i ɣ-iţdemmiren a nqerreb ɣur-es. Ɣef lemtel, Adlis Iqedsen yeqqar-ed belli Yahwa Ṛebbi d “aḥnin, ẓẓay i reffu, d bab n ṛṛeḥma, n leḥmala akw-d tideţ.” (Tuffɣa 34:6) Ahellil 86:5 yeqqar-ed belli Ṛebbi ‘yelha yerna yeţsemmiḥ.’ Adlis Iqedsen yesselmad daɣen belli Ṛebbi d Win iṣebbren yerna d unṣiḥ. (2 Buṭrus 3:9; 1 Ikurintiyen 1:9) Ma yella teqqareḍ akteṛ Adlis Iqedsen, aţ-ţwaliḍ amek i d-isbeggen Yahwa ṣṣifat-agi-ines akk-d tiyaḍ.
19 Amek i tzemreḍ aţ-ţqerrbeḍ ɣer Ṛebbi? Di tazwara, kemmel ayen akka i txeddmeḍ tura, yeɛni nadi a t-tissineḍ. Ɛisa yenna-d: “Ţ-ţagi i ţ-ţudert n dayem: a k-issinen, kečč, weḥdek, d Illu n ṣṣeḥḥ, akw-d win i d-tceggɛeḍ, Yasuɛ Lmasiḥ.” (20-22. a) D lmuḥal a nqerreb ɣer Ṛebbi imi ur t-neţwali ara? Ssefhem-ed. b) Ɣer wacu ara k-weṣṣin ahat kra n lɛibad s nneyya-nsen, lameɛna d acu i glaq aţ-ţxedmeḍ?
20 D ṣṣeḥ, ur tezmireḍ ara aţ-ţwaliḍ Ṛebbi axaṭer Ṛebbi d Ṛṛuḥ ur ţwalint wallen. (Yuḥenna 1:18; 4:24; 1 Timutawus 1:17) Acu kan, ma teţnadiḍ a t-tissineḍ s leqraya n Wedlis Iqedsen, aţ-ţɛelmeḍ belli yella s ṣṣeḥ. Akken i t-id-inna bab n Uhellil, tzemreḍ ‘aţ-ţeţweḥḥideḍ di ccbaḥa n Yahwa.’ (Ahellil 27:4; Iṛumaniyen 1:20) Simmal tlemmdeḍ leḥwayeǧ ɣef Yahwa, simmal teţţafeḍ ssebbat iɣef ara t-tḥemmleḍ yerna aţ-ţḥusseḍ tqerbeḍ ɣur-es.
21 Ɣer zdat, aţ-ţfehmeḍ akteṛ ayɣer i ɣ-isselmad Wedlis Iqedsen a neḥseb Yahwa d Baba-tneɣ. (Matta 6:9) Ur a ɣ-d-ifki ara kan tudert, meɛna yebɣa aţ-ţili tudert-agi ţ-ţaxlaft, am ubabat i geţmennin ayen akk ifazen i warraw-is ɛzizen. (Ahellil 36:10) Adlis Iqedsen yesselmad daɣen belli lɛibad zemren ad uɣalen d iḥbiben n Yahwa. (Yeɛqub 2:23) Xemmem kan cwiṭ: tzemreḍ aţ-ţuɣaleḍ d aḥbib n Uxellaq n ddunit meṛṛa!
22 Skud i tessenqadeḍ Adlis Iqedsen, ad ilin ahat wid ara k-iweṣṣin s nneyya-nsen akken aţ-ţḥebseḍ. Izmer lḥal ad agaden fell-ak ammar aţ-ţbeddleḍ ddin. Lameɛna, ur ţţaǧǧa ula d yiwen a k-yeqḍeɛ aţ-ţesɛuḍ lɛalaqa itɛeddan kečč d Ṛebbi!
23, 24. a) Ayɣer i gwulem aţ-ţkemmleḍ aţ-ţesteqsayeḍ ɣef wayen i tlemmdeḍ? b) Ɣef wacu ara d-yemmeslay yixef ara d-itebɛen?
23 Bla ccekk ad ilint leḥwayeǧ ur teţţizmireḍ ara aţ-ţfehmeḍ bihfih. Ahat aţ-ţsetḥiḍ aţ-ţḍelbeḍ lemɛawna, lameɛna ur ţţaǧǧa ara leḥya a k-teɣleb! Ɛisa inna-d belli d ayen ilhan ma yella nesɛa annuz am weqcic amecṭuḥ. (Matta 18:2-4) Uyerna, neẓra belli arrac imecṭaḥ steqsayen xilla. Ṛebbi yebɣa a d-tafeḍ leǧwab. Adlis Iqedsen icekkeṛ yakan kra n yemdanen i gebɣan seg wul ad issinen Ṛebbi. Imdanen-agi llan ssenqaden mliḥ Tira Iqedsen akken ad tḥeqqen belli ayen i lemmden ţ-ţideţ.—Ɣer-ed Lecɣal 17:11.
24 Ayen akk ifazen ara txedmeḍ akken aţ-ţissineḍ Yahwa, d asenqed ara tessenqdeḍ Adlis Iqedsen. Adlis-agi ixulef akk wiyaḍ. Deg wacu? Ixef ara d-itebɛen a d-immeslay ɣef temsalt-agi.
^ § 15 Aţ-ţafeḍ ixemmimen nniḍen ɣef lmeɛna n yisem n Ṛebbi d wamek i geţwanṭaq, di tmerna yeţţusemman: “Isem n Ṛebbi: Amek i t-ssexdamen? Acu i d lmeɛna-s?”