Imlan
INEJMUΣEN IMXULAF
AΓERBAZ N IBERRAḤEN N TGELDA Inaramen yesεan ger 23 d 65 n sna di leεmeṛ-nsen, i gebɣan ad ssewsεen leqdic-nsen, ţwaεerḍen ad ḥedṛen i yiwen unejmuε ara yilin ass n lḥedd tameddit. Ssaεa d wemkan anda ara d-yeṣbeḥ a d-ţţunefken di lexbaṛat.
BITIL Iberraḥen yeţwaɣeḍṣen, yesεan 35 n sna neɣ qell, i gebɣan ad ṛuḥen ad qedcen di Bitil, ilaq ad ḥedṛen i yiwen unejmuε ara yilin ssebt tameddit. Ssaεa d wemkan anda ara d-yeṣbeḥ a d-ţţunefken di lexbaṛat.
IMLAN
ADAWI Ḥadret aţ-ţeţţum belli ḤACA wid yenṭerren AṬAS ara yestenfεen s leqdic-agi.
AΓḌAṢ Wid iheggan iman-nsen ad ţwaɣeḍṣen, ţwaεerḍen ad qqimen deg imukan i sen-iţţuheggan uqbel aţ-ţebdu lxeṭba n weɣḍaṣ, siwa ma yeţţunefk-ed lexbaṛ nniḍen. Mkul yiwen deg-sen a d-yawi llebsa yessṛen swayes ara yeţwaɣḍeṣ akk-d tṣerbiṭ. Imukan i sen-iţţuheggan ad ilin zdat n dekkan.
ASTEṚḤEB Atmaten iţekkan di leqdic-agi bɣan a ken-εiwnen. Aɣet-asen awal ɣef wayen yeεnan amkan anda ara teǧǧem ṭṭumubilat-nwen, ansi ara teţεeddayem deg wemḍiq anda ara yili wegraw, tuṭṭfa n imukan anda ara teqqimem d leḥwayeǧ akk nniḍen.
IKERSIYEN Xemmet i wiyaḍ. Heggit imukan ḥaca i iεeggalen n twacult-nwen, i wid i d-iddan yid-wen di ṭṭumubil, i wid izedɣen yid-wen neɣ i wid iqqaren yid-wen Adlis Iqedsen. Ur srusut acemma ɣef ikersiyen nniḍen.
IWAZIWEN Ma tebɣam a d-tefkem afus di lxedma ara yilin deg wegraw, ṛuḥet ɣer leqdic n iwaziwen.
TIKCIWIN Aṭas n yedrimen i geţţuṣerrfen iwakken ad ilin aṭas n ikersiyen d dduzan swayes ara nfeṛṛeǧ w’a nsel akken ilaq akk-d leḥwayeǧ nniḍen. Annect-a meṛṛa yella iwakken aţ-ţesfaydim s wegraw n lεali ara ken-iεiwnen aţ-ţqerrbem ɣer Yahwa. Tikciwin-agi yakk i d-tefkam seg wul a ɣ-εiwnent a nqabel ameṣruf-agi yerna ad εiwnent leqdic n Tgelda di ddunit meṛṛa. Iwakken a wen-yishil aţ-ţefkem tikciwin-nwen, ad ilint tsendyaq i d-ibanen deg wemḍiq n wegraw. Tikciwin-agi meṛṛa εzizit aṭas. Asqamu amwellah yebɣa a ken-icekkeṛ ɣef ssxaya i d-tbeggnem s tukciwin-nwen swayes ara tefkem afud i nnfeε n Tgelda.
TIΓAWSIWIN YEŢWAFEN Ayen akk ara tafem, awit-eţ i leqdic yeţţelhayen ţ-ţɣawsiwin yeţwafen. Ma yella iṛuḥ-awen kra, steqsit wid iqeddcen deg wemkan-a. Nezmer a nawi ɣer wemḍiq-agi ula d arrac imecṭaḥ iwumi yeεreq webrid. Lameεna, mačči d amkan n tεessast n imecṭaḥ. Ḥadret ihi ɣef dderya-nwen yerna ṭṭfet-ţen ɣur-wen.
i d-ihegga Wesqamu amwellah n Inagan n Yahwa