ADAWI Ḥadret aţ-ţeţţum belli ḤACA wid yenṭerren AṬAS ara yestenfɛen si leqdic-agi.

AƔḌAṢ M’ur d-nenni ara ayen nniḍen, imukan yeţwaɛezlen i wid iheggan iman-nsen ad ţwaɣeḍṣen, atnan zdat n udekkan. Zemren ad qqimen deg imukan-agi uqbel aţ-ţebdu lxeṭba n weɣḍaṣ, ass n ssebt ṣṣbeḥ. Mkul yiwen deg-sen a d-yawi llebsa yessṛen swayes ara yeţwaɣḍeṣ akk-d tserbiṭ.

ASTEṚḤEB Atmaten iţekkan di leqdic-agi bɣan a ken-ɛiwnen. Aɣet-asen awal ɣef wayen yeɛnan amkan anda ara teǧǧem ṭṭumubilat-nwen, ansi ara teţɛeddayem deg wemḍiq anda ara yili wegraw, tuṭṭfa n imukan anda ara teqqimem d leḥwayeǧ akk nniḍen.

IKERSIYEN Xemmet i wiyaḍ. Heggit amkan ḥaca i wid i wen-iţţilin mliḥ, i wid i d-iddan yid-wen di ṭṭumubil, i wid izedɣen yid-wen neɣ i wid iqqaren yid-wen Adlis Iqedsen. Ur srusut acemma ɣef ikersiyen nniḍen.

IWAZIWEN Ma tebɣam aţ-ţefkem afus n lemɛawna di lxedma ara yilin deg wegraw, ṛuḥet ɣer leqdic n iwaziwen.

TIKCIWIN Deg wemkan-agi n wegraw ţţuheggan-d ikersiyen ilaqen, dduzan i usemḥes d ufeṛṛeǧ akk-d waṭas n leḥwayeǧ nniḍen ara ɣ-iɛiwnen akken a nqerreb ɣer Yahwa. Ayagi meṛṛa i d-yeţţuheggan yegla-d s umeṣruf d ameqran. Tikciwin yakk i d-teţţakem seg wul a ɣ-ɛiwnent a nqabel ameṣruf-agi yerna a d-fkent afus n lemɛawna di leqdic n Tgelda di ddunit meṛṛa. Bac a wen-yishil wannect-a, aţ-ţafem kra n tsendyaq n tukciwin deg imukan anda ara yili wegraw. Tzemrem daɣen aţ-ţefkem tukciwin-nwen s Internet deg wesmel donate.pr418.com. Tikciwin-agi meṛṛa ɛzizit aṭas. Asqamu amwellah yebɣa a ken-icekkeṛ ɣef ssxaya i d-teţbegginem s tukciwin-nwen swayes i teţmuddum afud i nnfeɛ n Tgelda.

TIƔAWSIWIN YEŢWAFEN Ayen akk ara tafem, awit-eţ i leqdic i d-yeţţelhayen ţ-ţɣawsiwin yeţwafen. Ma yella iṛuḥ-awen kra, steqsit wid iqeddcen deg wemkan-a. Ɣer leqdic-agi daɣen i glaq aţ-ţawim arrac imecṭaḥ iwumi ɛerqen imawlan-nsen. Acu kan, iwakken ḥedd ur yetqelliq, ɛasset dderya-nwen teṭṭfem-ten ɣur-wen.

Aɣerbaz n Iberraḥen n Tgelda Inaramen yesɛan ger 23 d 65 n sna di leɛmeṛ-nsen, i gebɣan ad ssemɣren leqdic-nsen, ţwaɛerḍen ad ḥedṛen i yiwen unejmuɛ ara yilin ass n lḥedd tameddit. Ssaɛa d wemkan anda ara yili unejmuɛ-agi, a d-ţţunefken di lexbaṛat.