Lemtel i ɣ-d-yeǧǧa Ɛisa

Ayen i d-nelmed sɣur Ɛisa

2. Akken a nɛiwen wid i nesɣaray ad qeddmen ɣer zdat, ilaq a ten-nḥemmel, meɛna ilaq daɣen a sen-nheddeṛ ɛinani.

 Ɛaned Ɛisa

3. Ɛiwen win i tesɣarayeḍ ad yesɛu lmeqsudat yerna ad yaweḍ ɣur-sen.

1.    Ssexdam aḥric yeţţusemman “Lmeqsud-iw” yellan di yal timeɣri n tektabt Aţ-ţɛiceḍ i dayem!

2.   Ɛiwen win i tesselmadeḍ ad yefhem amek i gezmer, cwiṭ cwiṭ, ad yaweḍ ɣer lmeqsudat-is.

3.   Ţcekkiṛ-it daymen ɣef lmeǧhudat i gxeddem.

4. M’ur yeţqeddim ara ɣer zdat, nadi aţ-ţeẓreḍ d acu i t-yeṭṭfen, tɛiwneḍ-t.

1.    M’ur yeţqeddim ara ɣer zdat, steqsi iman-ik:

   • “D acu i t-yeṭṭfen?”

   • “D acu i zemreɣ ad xedmeɣ bac a t-ɛiwneɣ?”

2.   Ḍleb-as i Yahwa a k-d-yefk lkuṛaǧ bac a s-thedṛeḍ ɛinani yerna s leḥnana i win i tesselmadeḍ.

5. Ma ilaq, ḥbes yid-es taɣuri.

1.    Bac aţ-ţeẓreḍ ma ilaq aţ-ţḥebseḍ neɣ aţ-ţkemmleḍ yid-es taɣuri, steqsi iman-ik:

   • “Yessexdam di tudert-is ayen i d-ilemmed?”

   • “Iḥeddeṛ i inejmuɛen yerna iheddeṛ i wiyaḍ ɣef Wedlis Iqedsen?”

   • “Ma aṭas aya segmi i geqqar Adlis Iqedsen, yella wasmi i k-d-yenna belli yebɣa ad yuɣal d Inigi n Yahwa?”

2.   Ma twalaḍ belli win i tesselmadeḍ ur ixeddem ara lmeǧhudat i glaqen:

   • Ḍleb-as a k-d-yini d acu i t-yeṭṭfen.

   • Ssefhem-as s wawal aẓidan ayɣer ara tḥebseḍ yid-es taɣuri.

   • Ini-yas swaswa d acu i glaq a t-yexdem bac aţ-ţuɣalem yiwen wass aţ-ţeɣrem akken Adlis Iqedsen.