TIMLILIT TAMEZWARUT
TIMEƔRI 5
Issin amek ara thedṛeḍ
Amenzay: “Sɛut awal aẓidan” (Ikul. 4:6).
Lemtel i ɣ-d-yeǧǧa Bulus
1. Wali BIDYU-YAGI neɣ ɣer-ed Lecɣal 17:22, 23. Mbeɛd, xemmem ɣef yesteqsiyen i d-iţeddun.
-
S wacu i gḥuss Bulus mi gwala lmeṣnuɛat-nni meṛṛa i ţɛebbiden imezdaɣ n Atina? (wali Lecɣal 17:16).
-
Ayɣer i nezmer a d-nini belli Bulus ihdeṛ-asen s leqder i imezdaɣ n Atina?
Ayen i d-nelmed sɣur Bulus
2. Bac a k-d-issemḥess walbeɛḍ seg wul, ilaq aţ-ţextiṛeḍ akken ilaq ayen ara d-tiniḍ, aţ-ţextiṛeḍ daɣen taswiɛt ideg ara t-id-tiniḍ d wamek ara t-id-tiniḍ.
Ɛaned Bulus
3. Xtiṛ akken ilaq imeslayen ara d-tiniḍ. Ɣef lemtel, ma theddṛeḍ d walbeɛḍ ur nelli ara d amasiḥi, ilaq aţ-ţissineḍ amek ara s-thedṛeḍ ɣef Wedlis Iqedsen neɣ ɣef Ɛisa.
4. Ma yenna-d walbeɛḍ lḥaǧa ur nṣeḥḥa ara, ur ţḥiri ara a s-tiniḍ belli yeɣleḍ. Ɣas ma yenna-d walbeɛḍ kra n lḥaǧa ur neɛdil ara d wayen yesselmad Wedlis Iqedsen, eǧǧ-it a d-yehdeṛ (Yeɛ. 1:19). Ma teǧǧiḍ-as lweqt a d-yehdeṛ yerna tḥesseḍ-as akken ilaq, aţ-ţeẓreḍ d acu i geţxemmim d wayen is i geţţamen (Lem. 20:5).
5. Ma yella wamek, ddu-yas di lebɣi tcekkṛeḍ-t ɣef wayen i d-yenna. Ahat yeţţuqenneɛ seg wul belli ayen is i geţţamen iṣeḥḥa. Ihi di tazwara, hedṛet ɣef temsal iɣef i teţţemsefhamem. Mbeɛd, ɛiwen-it cwiyya cwiyya ad yeqbel ayen i gesselmad Wedlis Iqedsen.
