TIMEƔRI TIS 22
Amek ara theddṛeḍ i wiyaḍ ɣef lexbaṛ n lxiṛ?
Mkul m’ara d-tlemdeḍ lḥaǧa tajdiṭ seg Wedlis Iqedsen, ahat teqqareḍ-as: “Ilaq ad issinen akk medden ayagi!” D ṣṣeḥ, medden irkelli ḥwaǧen ad issinen tideţ yellan deg Wedlis Iqedsen. Meɛna, teţkukruḍ ahat aţ-ţhedṛeḍ i wiyaḍ ɣef wayen i d-tlemmdeḍ. A nẓer amek ara tɣelbeḍ atqelleq d wamek ara tafeḍ lfeṛḥ m’ara teţberriḥeḍ lexbaṛ n lxiṛ.
1. Amek ara theddṛeḍ i wiyaḍ ɣef wayen i d-tlemmdeḍ?
Inelmaden n Ɛisa nnan-d imeslayen-agi: “Ur nezmir ara an-nessusem ur nheddeṛ ara ɣef wayen i nwala d wayen i nesla” (Lecɣal 4:20). Seg wakken i ḥemmlen tideţ, bɣan ad hedṛen fell-as i medden meṛṛa. D ayagi daɣen i teţḥussuḍ? Ihi, tzemreḍ aţ-ţnadiḍ aţ-ţhedṛeḍ s leqder i twacult-ik d leḥbab-ik ɣef wayen i d-tlemmdeḍ (ɣer-ed Ikulusiyen 4:6).
Atan wamek i tzemreḍ aţ-ţebduḍ
-
Tzemreḍ aţ-ţebduḍ lhedṛa ɣef Wedlis Iqedsen d walbeɛḍ si twacult-ik. Ɣef lemtel, tzemreḍ a s-tiniḍ: “Lemdeɣ-d lḥaǧa tajdiṭ smana-yagi.”
-
Ɣer-ed i yiwen seg yeḥbiben-ik ihelken neɣ yetqellqen afir ara t-yesseǧhden.
-
Ma yesteqsa-k-id yiwen seg yerfiqen-ik n lxedma d acu i txedmeḍ ass n westeɛfu, hdeṛ-as-d ɣef wayen i d-tlemdeḍ deg unejmuɛ neɣ si tɣuri-inek n Wedlis Iqedsen.
-
Mel-asen i leḥbab-ik asmel jw.org.
-
Ɛreḍ-ed wiyaḍ ad ḥedṛen m’ara teɣreḍ Adlis Iqedsen d win i k-yesɣarayen, neɣ ssken-asen amek ara xedmen akken ad ḍelben di jw.org ad ɣren Adlis Iqedsen.
2. Acuɣer i gelha aţ-ţesɛuḍ lmeqsud aţ-ţeţberriḥeḍ akk-d tejmaɛt?
Inelmaden n Ɛisa ur ţberriḥen ara kan i wid i ssnen. Ɛisa ‘iceggeɛ-iten sin sin ad berrḥen di temdinin’ (Luqa 10:1). Aberreḥ-agi yefka tagniţ i waṭas n lɣaci ad slen s lexbaṛ n lxiṛ. Uyerna, feṛḥen aṭas inelmaden-agi imi i berrḥen lwaḥid (Luqa 10:17). Tzemreḍ kečč daɣen aţ-ţesɛuḍ lmeqsud-agi aţ-ţeţberriḥeḍ akk-d tejmaɛt?
A NNADI A NEFHEM AKTEṚ
A nẓer amek ara tɣelbeḍ atqelleq d wamek ara tafeḍ lfeṛḥ m’ara teţberriḥeḍ lexbaṛ n lxiṛ.
3. Yahwa ad yili yid-ek
Kra n lɛibad beqqun ad berrḥen, meɛna ţţagaden d acu ara d-inin fell-asen medden neɣ d acu ara sen-d-ǧawben.
-
Teţkukruḍ aţ-ţhedṛeḍ i lɣaci ɣef wayen i d-tlemmdeḍ? Ayɣer?
Walit BIDYU-YAGI, mbeɛd hedṛet ɣef westeqsi i d-iţeddun.
-
Amek i ssawḍen yelmeẓyen-agi ad ɣelben tugdi?
Ɣret-ed Icɛaya 41:10, mbeɛd hedṛet ɣef westeqsi-yagi:
-
Amek i tezmer a k-tɛiwen tẓallit ma teţţagadeḍ aţ-ţberrḥeḍ?
Tɛelmeḍ?
Aṭas n Inagan n Yahwa, uqbel ad bdun aberreḥ, ɣilen d lmuḥal ad izmiren i ccɣel-agi. D ayagi i geḍran d Sergey. Iɣil ur yeṣliḥ i wacemma yerna yewɛeṛ fell-as ad ihdeṛ d medden. Yeḥka-d: “Ɣas akken lliɣ ţţagadeɣ, bdiɣ heddṛeɣ i wiyaḍ ɣef wayen i d-lemmdeɣ deg Wedlis Iqedsen. D ayen i y-issewhmen: uɣaleɣ ţekleɣ akteṛ ɣef yiman-iw yerna ayagi yesseǧhed liman-iw.”
4. Ţmeslay s leqder
M’ara teţmeslayeḍ ɣef lexbaṛ n lxiṛ, ţmeyyiz ɣef wayen ara d-tiniḍ d wamek ara t-id-tiniḍ. Ɣret-ed 2 Timutawus 2:24 akk-d 1 Buṭrus 3:15, mbeɛd hedṛet ɣef yesteqsiyen-agi:
-
Amek i tzemreḍ aţ-ţessexdmeḍ ifyar-agi m’ara theddṛeḍ d wiyaḍ ɣef Wedlis Iqedsen?
-
Ahat tikwal leḥbab-ik neɣ iɛeggalen n twacult-ik ur qebblen ara ayen i sen-d-teqqareḍ. D acu i tzemreḍ aţ-ţxedmeḍ? D acu ur nlaq ara aţ-ţxedmeḍ?
-
Ayɣer tikwal yif-it ma theddṛeḍ i wiyaḍ s leqder wala ma teţḥettimeḍ fell-asen ayen swayes i glaq ad amnen?
5. Aberreḥ yeţţawi-yaɣ-d lfeṛḥ
Yahwa iḍleb-as i Ɛisa ad iberreḥ lexbaṛ n lxiṛ. Amek i geḥseb Ɛisa ccɣel-agi? Ɣret-ed Yuḥenna 4:34, mbeɛd hedṛet ɣef yesteqsiyen-agi:
-
Neḥwaǧ a nečč akken a nɛic, yerna lmakla bninen teţţeɛǧab-aɣ. Acuɣer i d-yenna Ɛisa belli m’ara ixeddem lebɣi n Baba-s, abeɛda m’ara yeţberriḥ, amzun d lqut i gteţţ?
-
Ayɣer i gezmer a k-d-yawi lfeṛḥ uberreḥ n lexbaṛ n lxiṛ?
Tzemreḍ aţ-ţxedmeḍ ayagi
-
Deg unejmuɛ n smana, tzemreḍ aţ-ţerreḍ ddehn-ik ɣer ixemmimen ara k-iɛiwnen akken aţ-ţebduḍ lhedṛa d walbeɛḍ.
-
Ḍleb i win i k-yesɣarayen a k-d-yini d acu i glaq aţ-ţxedmeḍ bac aţ-ţţekkiḍ di tmeskanin i d-yeţţilin deg unejmuɛ n smana. D ayen ara k-iɛiwnen aţ-ţţekleḍ akteṛ ɣef yiman-ik m’ara theddṛeḍ i wiyaḍ ɣef wayen i d-tlemmdeḍ.
-
Tzemreḍ aţ-ţessexdmeḍ iḥricen yeţţusemman “Kra qqaren” akk-d “Ma yella win i k-id-yesteqsan” akken aţ-ţheggiḍ iman-ik i yesteqsiyen i d-yeţţuɣalen dima deg uberreḥ.
MA YELLA WIN I K-ID-YESTEQSAN: “Amek, d acu yakk i txeddmeḍ ussan-agi?”
-
Amek i tzemreḍ aţ-ţfarṣeḍ tagniţ-agi bac a s-thedṛeḍ ɣef wayen i d-tlemdeḍ seg Wedlis Iqedsen?
AYEN I D-NELMED
Aberreḥ n lexbaṛ n lxiṛ d ayen i d-yeţţawin lfeṛḥ, yerna a k-d-iban ahat mačči d ayen iweɛṛen.
A d-nesmekti
-
Ayɣer i gesɛa azal a nheddeṛ i wiyaḍ ɣef lexbaṛ n lxiṛ?
-
Amek i tzemreḍ aţ-ţeţberriḥeḍ s leqder?
-
Ma teţkukruḍ aţ-ţberrḥeḍ, d acu i tzemreḍ aţ-ţxedmeḍ?
TZEMREḌ AŢ-ŢWALIḌ DAƔEN
Ṛebɛa tmeskanin i ɣ-yeţɛawanen akken a nheddeṛ ɣef lexbaṛ n lxiṛ s sshala, s lkarṭa jw.org.
Ṛebɛa leḥwayeǧ ara k-iɛiwnen akken aţ-ţheddṛeḍ ɣef lexbaṛ n lxiṛ.
Es-tu prêt à devenir un pêcheur d’hommes ? (La Tour de Garde, septembre 2020)
Yiwen n lemtel seg Wedlis Iqedsen i gzemren ad iɛiwen ula d ilmeẓyen akken ad sɛun lkuṛaǧ m’ara heddṛen ɣef lexbaṛ n lxiṛ.
Amek ara theddṛeḍ ɣef Wedlis Iqedsen i iɛeggalen n twacult-ik ur nessin ara Yahwa?
Touchons le cœur de nos parents non Témoins (La Tour de Garde, 15 mars 2014)
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
