TIMEƔRI TIS 36

Ili-k teṣfiḍ di kullec

SEL S

Nebɣa yakk a nesɛu leḥbab yeṣfan. Yahwa daɣen yebɣa ad ilin yeḥbiben-is ṣfan. Meɛna ur yeshil ara a nili neṣfa di ddunit ideg i qwan lɣaci ur neṣfi ara. D acu ara d-nesfaydi ma neṣfa di kullec?

1. D acu-ţ ssebba tamezwarut iɣef i glaq a nili neṣfa?

Ma neṣfa, neţbeggin-ed i Yahwa belli nḥemmel-it yerna neţqadar-it. Ur ilaq ara a neţţu belli Yahwa yeţwali-d ayen akk i nxeddem d wayen i neţxemmim (Iɛebṛaniyen 4:13). M’ara d-nesbeggin ṣṣfawa di tudert-nneɣ, yeţwali-yaɣ-d yerna nessefṛaḥ-it. Adlis Iqedsen yeqqar-ed belli Yahwa “ikṛeh wid yessefsaden; lameɛna, d arfiq n wid iţeddun s lewqam” (Lemtul 3:32).

2. Amek ara nili neṣfa di tudert-nneɣ n yal ass?

Yahwa yeqqar-aɣ-d: “Heddṛet tideţ gar-awen” (Zaxarya 8:16, 17). D acu i d lmeɛna-s? M’ara nheddeṛ d iɛeggalen n twacult-nneɣ, neɣ d yerfiqen-nneɣ n lxedma, d watmaten ţ-ţyessetmatin-nneɣ imasiḥiyen, neɣ d wid akk i d-yeţmettilen lḥukuma, ur neskiddib ara yerna ur d-neţţak ara lexbaṛat ur nṣeḥḥa ara. Amdan yeṣfan ur yeţţaker, ur yeţkellix lɣir-is (ɣer-ed Lemtul 24:28 akk-d Ifasusiyen 4:28). Uyerna, yeţxelliṣ ayen akk i s-teţţalas ddewla (Iṛumaniyen 13:5-7). Ihi, “nebɣa an-neddu akken ilaq di kullec” (Iɛebṛaniyen 13:18).

3. Acu n lfaydat ara ɣ-d-iṣaḥen ma neṣfa?

Ma nella seg wid yeṣfan, a ɣ-ţţamnen medden w’ad ţkalayen fell-aneɣ. Uyerna, tajmaɛt aţ-ţaf iman-is, am twacult ideg i tɛum leḥmala. Lxaṭer-nneɣ daɣen ad yethedden. Ṣṣfawa-nneɣ tezmer daɣen ‘aţ-ţcebbeḥ [...] aselmed n Ṛebbi, amsellek-nneɣ’, yerna aţ-ţɛiwen lɣaci ur nelli ara d iɛeggalen n tejmaɛt ad bɣun ad ţekkin di leɛbada n ṣṣeḥ (Titus 2:10).

A NNADI A NEFHEM AKTEṚ

A d-nehdeṛ ɣef lateṛ i d-teţţaǧǧa ṣṣfawa-nneɣ ama di Yahwa, ama deg-neɣ. A nwali daɣen amek ara d-nesbeggin ṣṣfawa di liḥalat yemxallafen.

4. Yahwa iḥemmel ṣṣfawa

Ɣret-ed Ahellil 44:22 akk-d Malaxi 3:16, mbeɛd hedṛet ɣef yesteqsiyen-agi:

Ɛlaḥsab-ik, ayɣer ur ilaq ara a nɣil belli nezmer a neffer tideţ?
Ɛlaḥsab-ik, d acu i geţḥussu Yahwa m’ara d-neqqar daymen tideţ, ɣas m’ur yeshil ara lḥal?

M’ara d-yeqqar umecṭuḥ tideţ, yessefṛaḥ imawlan-is. M’ara d-neqqar tideţ, nessefṛaḥ Yahwa.

5. A nili daymen neṣfa

Aṭas i gɣilen belli ur nezmir ara a nili daymen neṣfa. Meɛna, a nwali acuɣer i glaq a nili neṣfa di mkul liḥala. Walit BIDYU-YAGI.

BIDYU: Ayen i gessemɣaren lfeṛḥ: Lxaṭer yetheddnen (2:32)

Ɣret-ed Iɛebṛaniyen 13:18, mbeɛd hedṛet ɣef wamek i glaq a nili neṣfa...

di twacult-nneɣ,
di lxedma neɣ di llakul,
di liḥalat nniḍen.

6. Ṣṣfawa teţţawi-d lfayda

Di tazwara, nezmer a s-nini belli ṣṣfawa a d-teglu s iɣeblan. Meɛna, ɣer taggara, teţţawi-d dima lfayda. Ɣret-ed Ahellil 34:13-17, mbeɛd hedṛet ɣef westeqsi-yagi: