TIMEƔRI TIS 37

D acu i d-yeqqar Wedlis Iqedsen ɣef lxedma akk-d yedrimen?

SEL S

Yella wasmi i tetqellqeḍ ɛlaǧal n lxedma neɣ n yedrimen? Ur yeshil ara daymen a d-nrebbeḥ amɛic-nneɣ w’a neɛbed Yahwa akken i gestahel. Meɛna lewṣayat i neţţaf deg Wedlis Iqedsen zemrent a ɣ-ɛiwnent.

1. D acu i d-yeqqar Wedlis Iqedsen ɣef lxedma?

Ṛebbi yebɣa a nefṛeḥ s lxedma-nneɣ. Yeqqar-ed Wedlis Iqedsen belli “ulac d acu i gelhan i wemdan am [...] lfeṛḥ ara s-d-yawi leɛtab-is di lxedma” (Amusnaw 2:24, Traduction du monde nouveau, TMN). Yahwa ixeddem aṭas. Ma neţɛanad-it a t-nessefṛeḥ, nekni daɣen a nefṛeḥ.

Lxedma tesɛa azal. Lameɛna, ur ilaq ara a d-tekk nnig n leɛbada-nneɣ i Yahwa (Yuḥenna 6:27). Ṛebbi iwɛed-aɣ belli ma neţţarra lecɣal-is d imezwura di tudert-nneɣ, a ɣ-d-yefk ayen akk i neḥwaǧ bac a nɛic.

2. Amek i glaq a neţwali idrimen?

Adlis Iqedsen yeqqar-ed belli idrimen ţ-ţaseddarit, meɛna ur ɣ-d-ţţawin ara lfeṛḥ n ṣṣeḥ (Amusnaw 7:12). Yeţweṣṣi-yaɣ bac ur nḥemmel ara idrimen yerna ‘a nesteqneɛ s wayen i nesɛa’ (ɣer-ed Iɛebṛaniyen 13:5). Ma nettabaɛ lewṣaya-yagi, ur ɣ-ţɣurrun ara yedrimen akken i ţɣurrun wid i gḥemmlen ad kesben daymen akteṛ. Ur d-nxeddem ara daɣen ṭṭlaba kan akka (Lemtul 22:7). Uyerna, ur neţnadi a d-nerbeḥ idrimen s lemɣawla, ur nɣelli di tceṛkeţ n leqmer.

3. Amek ara nessexdam akken ilaq idrimen?

Yahwa d Ṛebbi asaxi. Neţɛanad-it m’ara ‘neţmuddu mebla cceḥḥa yerna nbeṭṭu d wiyaḍ ayen i nesɛa’ (1 Timutawus 6:18, TMN). Nezmer a nessexdem akken ilaq idrimen-nneɣ m’ara neţţak tukciwin di tejmaɛt, neɣ m’ara neţɛawan wid yeḥwaǧen, abeɛda atmaten ţ-ţyessetmatin-nneɣ imasiḥiyen. Yahwa ur d-yeţmuqul ara ɣer wacḥal i neţmuddu, meɛna ɣer wayen i ɣ-yeţdemmiren a nmudd. Ma nella d isaxiyen, a nefṛeḥ w’a nessefṛeḥ Yahwa (ɣer-ed Lecɣal 20:35).

A NNADI A NEFHEM AKTEṚ

A nẓer lbaṛakat ara ɣ-d-iṣaḥen ma neţţaǧǧa lxedma deg wemkan-is yerna nesteqniɛ s wayen i nesɛa.

4. A nɛuzz Yahwa di lxedma-nneɣ

Imi d iḥbiben n Yahwa i nella, ilaq a neţwali lxedma akken i ţ-yeţwali neţţa. Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Xeddmet seg wul-nwen meṛṛa i Yahwa (4:39)

D acu i k-yessewhmen di tikli n Lyas akk-d lɛeqliya-ines di lxedma?
D acu i gxeddem akken ad yeţţaǧǧa lxedma-ines deg wemkan-is?

Ɣret-ed Ikulusiyen 3:23, 24, mbeɛd hedṛet ɣef yesteqsiyen-agi:

Amek i glaq aţ-ţili lɛeqliya-nneɣ ɣef wayen yeɛnan lxedma? Acuɣer?

Lxedma tesɛa azal. Lameɛna, ur ilaq ara a d-tekk nnig n leɛbada-nneɣ i Yahwa.

5. Leqniɛa teţţawi-d lfayda

Xilla n lɣaci i geţnadin a d-jemɛen aṭas n yedrimen. Meɛna Adlis Iqedsen yeţweṣṣi-yaɣ ɣer wayen nniḍen. Ɣret-ed 1 Timutawus 6:6-8, mbeɛd hedṛet ɣef westeqsi-yagi:

Ɣer wacu i ɣ-yeţweṣṣi Wedlis Iqedsen?

Xas ur nesɛi ara aṭas n yedrimen, nezmer a nɛic di lfeṛḥ. Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: “A nesteqneɛ s wayen i nesɛa” (3:20)

D acu i d-yeţţawin lfeṛḥ i twaculin-agi, ɣas akken ţɛicint di lexṣaṣ?

Win yesɛan aṭas n yedrimen yezmer ad yeṭṭammaɛ ad yesɛu daymen akteṛ. Ɛisa yessefhem-ed belli lɛeqliya-yagi tezmer a d-tawi lemḍerra. Ɣret-ed Luqa 12:15-21, mbeɛd hedṛet ɣef westeqsi-yagi:

D acu i d-tlemdeḍ si teqsiṭ-agi i d-yeḥka Ɛisa? (walit afir 15).

Ɣret-ed Lemtul 10:22 akk-d 1 Timutawus 6:10 tessenqdem lewṣayat yellan deg-sen. Mbeɛd, hedṛet ɣef yesteqsiyen-agi:

Ɛlaḥsab-ik, d acu i gesɛan lqima akteṛ: aţ-ţiliḍ d aḥbib n Yahwa, neɣ aţ-ţkesbeḍ aṭas n yedrimen? Acuɣer?
Acu-ten iɣeblan i nezmer a nesɛu ma neţnadi daymen a nekseb aṭas n yedrimen?

6. Yahwa a d-yelhi yid-neɣ

M’ara d-nemmager iɣeblan deg wayen yeɛnan idrimen neɣ lxedma, imiren ara d-iban ma neţkel s ṣṣeḥ ɣef Yahwa. Walit BIDYU-YAGI akken aţ-ţeẓrem amek i nezmer a nqabel iɣeblan yecban wigi. Mbeɛd, hedṛet ɣef yesteqsiyen i d-iţeddun.

BIDYU: Yahwa a ɣ-d-yefk ayen i neḥwaǧ (6:31)

Acu-ten iɣeblan i d-yemmuger gma-tneɣ?
D acu i gexdem akken ad yessiweḍ a ten-iqabel?

Ɣret-ed Matta 6:25-34, mbeɛd hedṛet ɣef westeqsi-yagi:

D acu i gewɛed Yahwa a t-yexdem i wid i geţţarran lecɣal-is d imezwura di tudert-nsen?

KRA QQAREN: “Ilaq ad xedmeɣ aṭas bac ad ɛeggceɣ tawacult-iw. Ur zmireɣ ara ad ḥeddṛeɣ i inejmuɛen meṛṛa.”

Acu-t wafir i k-iqennɛen belli ilaq a neţţarra daymen leɛbada-nneɣ i Yahwa ţ-ţamezwarut di tudert-nneɣ?

AYEN I D-NELMED

Neḥwaǧ lxedma akk-d yedrimen. Meɛna ur ilaq ara a ɣ-ssebɛden ɣef leqdic-nneɣ i Yahwa.

A d-nesmekti

D acu i gzemren a k-iɛiwen akken aţ-ţesɛuḍ tamuɣli iṣeḥḥan ɣef lxedma?
Acu-tent lfaydat i tezmer a k-d-tawi leqniɛa?
Yahwa yewɛed belli a d-yelhi d iqeddacen-is. Amek i tzemreḍ a d-tbeggneḍ belli tumneḍ s lweɛd-agi?

Fukkeɣ timeɣri-yagi ass n:

Lmeqsud-iw

Ad nadiɣ ad ẓreɣ ma zegleɣ aṭas n inejmuɛen lechuṛ-agi iɛeddan ɛlaǧal n lxedma-inu. Ma ufiɣ-d belli aṭas i zegleɣ, ad xedmeɣ ayen i glaqen bac ad ḥeddṛeɣ i inejmuɛen meṛṛa.

Lmeqsud nniḍen:

Lmeqsud nniḍen