ASTEQSI WIS 5
Acu ara xedmeɣ ma ţwaḥeqreɣ di llakul?
ACU I TZEMREḌ AŢ-ŢXEDMEḌ?
Meyyez ɣef liḥala-yagi: Samir ur yebɣi ara ad iṛuḥ ɣer llakul. Ur yebɣi ara maḍi ad iṛuḥ, la ass-a la azekka. Annect-a yebda-d telt cchuṛ aya, asmi d-gren fell-as yemdukkal-is lekdeb yerna zerεen-t. Mbeεd uɣalen ţεayaren-t. Tikwal, albeεḍ seg-sen a d-yesseɣli tizmamin n Samir w’ad yerr iman-is amzun ur iεemmed ara; neɣ albeεḍ nniḍen seg yiwet n terbaεt a t-idemmer, m’ara d-yezzi Samir, ur iẓerr ara menhu i t-idemmren. Iḍelli ssawḍen iḥeqqaren-nni armi ţgallan deg-s di tebṛaţ i s-d-ceggεen s Internet.
Lukan i telliḍ deg wemkan n Samir, acu ara txedmeḍ?
XEMMEM CWIYYA!
Yella s wacu ara tdafεeḍ ɣef yiman-ik! Ţ-ţideţ, tzemreḍ aţ-ţɣelbeḍ aḥeqqar mebla ma tessexdmeḍ lbunya. Amek?
-
Lemtul 29:11) Ma teqqimeḍ trekdeḍ, neɣ ma tbaneḍ-asen-d ur tetqellqeḍ ara, iḥeqqaren-nni ad qqlen a k-ǧǧen.
UR D-ŢBEYYIN ARA D ACU I TEŢḤUSSUḌ. Adlis Iqedsen yenna-d: “Amehbul issufuɣ-ed akw ayen yellan deg wul-is; ukyis itḥekkim deg yiman-is.” ( -
UR D-ŢŢARRA ARA ŢŢAṚ. Adlis Iqedsen yenna-d: “Ur ţţarrat ara i cceṛ s cceṛ.” (Iṛumaniyen 12:17) Ma tḥewwseḍ a d-terreḍ ţţaṛ, liḥala aţ-ţiwεiṛ akteṛ.
-
RWEL I LHEMM. Adlis Iqedsen yenna-d: “Uḥṛic iţfiq i lhemm, ibeεεed fell-as.” (Lemtul 22:3) Ma yella tzemreḍ, xḍu i yemdanen i gzemren a k-ḥeqren tbeεεdeḍ daɣen ɣef liḥalat ideg ara teţwaḥeqreḍ.
-
ISSIN AMEK ARA TǦAWBEḌ. Adlis Iqedsen yenna-d: “Leǧwab ẓiden isrusuy urrif [zzεaf].” (Lemtul 15:1) Ǧaweb s uqeṣṣer. Γef lemtel, ma yenna-yak-d walbeεḍ n iḥeqqaren kečč d abelbul, tzemreḍ aţ-ţhuzzeḍ tuyat-ik w’a s-tiniḍ: “Tesεiḍ lḥeqq. Yerna, ma tebɣiḍ zemreɣ a k-d-zzenzeɣ cwiyya...”
-
BEDDEL AMKAN. “Ma yella ur terriḍ ara awal, a d-tbeggneḍ belli tetεeqqleḍ yerna tesεiḍ lqewwa akteṛ n win akken i k-iḥeqren, i d-tenna Maya, yesεan 19 n sna. Annect-a a d-ibeyyen belli tesεiḍ ṛṛzana, ṣṣifa ur yesεi ara win akken i k-iḥeqren.”—2 Timutawus 2:24.
-
ŢKEL AKTEṚ ΓEF YIMAN-IK. Iḥeqqaren ţfiqen bihfih i wid yesεan yir tamuɣli ɣef yiman-nsen, yerna ur neţdafaε ara ɣef teṛwiḥin-nsen. Meεna, xilla n iḥeqqaren ara ibeddlen ṛṛay ma walan belli ur ten-teǧǧiḍ ara a k-ɣelben.
-
HDEṚ I WALBEΣḌ. Yiwet tmeṭṭut yellan zik ţ-ţacixeţ n llakul tenna-d: “Ţweṣṣiɣ wid akk yeţwaḥeqren ad hedṛen i walbeεḍ. Wagi d ayen ilezmen, yerna ad yessemneε wiyaḍ si tḥeqranit.”