Ɛisa, uqbel ad yemmet, yehdeṛ i Buṭrus, Yeɛqub, Yuḥenna d Andriyus ɣef “limaṛa n tisin-[is]”, ara d-​ibanen deg wussan ineggura. Yefka-​yasen daɣen i inelmaden-​agi-​ines yiwen n westeqsi yesɛan azal, yenna: “Anwa-​t uqeddac agi unṣiḥ yerna d aɛeqli, iɣef ara iwekkel ssid-​is at wexxam-​is iwakken a sen-​iţţak lqut di lweqt?” (Matta 24:3, 45; Marqus 13:3, 4) Seg umeslay-​agi “lqut”, ilaq-​aɣ a d-​nefhem lqut n ṛṛuḥ, yeɛni tamusni ɣef Ṛebbi. Ɛisa, iţţusemman dagi “ssid”, iwɛed i inelmaden-​is belli ad yextiṛ wid ara sen-​d-​iţţaken tamusni-​yagi s lketṛa di lweqt n taggara. Menhu-​t wagi ara yilin d “aqeddac”, yeɛni d “akli”?

Ţ-​ţarbaɛt tamecṭuḥt n imasiḥiyen yeţwadehnen. “Ţwadehnen” lmeɛna-​s ţwaxtaṛen s ṛṛuḥ n Ṛebbi. “Akli-​yagi” d Asqamu amwellah n Inagan n Yahwa. Yeţţak lqut n ṛṛuḥ i wid yeţţeɛbaden Yahwa. Fell-​as kan i neţkel a ɣ-​d-​ifk “amur-[nneɣ] n yirden di lweqt.”—Luqa 12:42.

Iţţuwekkel ɣef “wexxam n Yillu”. (1 Timutawus 3:15) Ɛisa iwekkel “akli-​yagi” ɣef wayen akk ixeddem weḥric yellan ɣef lqaɛa n tuddsa n Yahwa: yefka-​yas ad iḍebber ɣef cci n weḥric-​agi, ɣef ccɣel n uberreḥ akk-​d uselmed di tjemmuyaɛ-​nneɣ. Iwakken a ɣ-​d-​imudd “wakli unṣiḥ aɛeqli” ayen i neḥwaǧ di lweqt ideg i t-​neḥwaǧ, iferreq lqut n ṛṛuḥ ama s tezmamin i nessexdam deg ubecceṛ ama s wayen i d-​nlemmed deg inejmuɛen d yegrawen-​nneɣ.

“Akli-​yagi” d “unṣiḥ”, yeɛni yeṭṭef di tideţ n Wedlis Iqedsen akk-​d leqdic n uberreḥ n lexbaṛ n lxiṛ, iɣef iţţuwekkel. D “aɛeqli” daɣen imi ibedd akken ilaq ɣer leḥwayeǧ meṛṛa i gekseb Lmasiḥ ɣef lqaɛa. (Lecɣal 10:42) Yahwa yeţbarak-​it: yesnernay ccɣel-​is yerna yeţɛawan-​it akken ad yefreq lqut n ṛṛuḥ s ṭṭaqqa (lketṛa).—Icɛaya 60:22; 65:13.

• Anwa i gwekkel Ɛisa iwakken ad yefk lqut n ṛṛuḥ i inelmaden-​is?

• Acuɣer i nezmer a d-​nini belli “akli-​yagi” d “unṣiḥ” yerna d “aɛeqli”?