Mkul ṣṣenf n leqdic yellan di Bitil icudd ɣer ccɣel n uberreḥ deg yiwet n tmurt neɣ di xilla n tmura. Yella leqdic n uṭerjem, leqdic n weḍbaε, leqdic n welsaq n tektabin, leqdic n uceggeε n tektabin d wayen nniḍen.

Yiwet n Terbaεt yeţwellihen Bitil teţḥuddu-​d leqdic-​nneɣ. Asqamu amwellah yesbedd di mkul Bitil yiwet n terbaεt ara iqablen lecɣal n Bitil-​agi. Ţţilin deg-​s tlata n lecyux neɣ kteṛ, d irgazen yeţwaxtaṛen ger wid ijeṛṛben yerna yessnen. Tarbaεt-​agi yeţwellihen Bitil teţxebbiṛ Asqamu amwellah ɣef wamek i geţnerni ccɣel n uberreḥ di mkul tamurt iɣef i teţţuwekkel; teţxebbiṛ-​it daɣen ɣef wuguren i d-​iḍerrun. Lexbaṛat-​agi i geţţelḥaqen Asqamu amwellah ţεawanen-​t bac a d-​yaf timsal ara d-​iţwabedren ama di tektabin ara d-​yeffɣen, ama deg inejmuεen akk-​d yegrawen. Yeţţili win i d-​yeţţasen mkul tikkelt sɣur Wesqamu amwellah ɣer Bitilat bac ad iεiwen tirebbuyaε yeţwellihen Bitilat akken ad steklfent mliḥ s lecɣal iɣef i ţţuwekklent. (Lemtul 11:14) Deg yiwen unejmuε amxalef, win akken ara d-​yasen sɣur Wesqamu amwellah yeţţak-​ed yiwet n lxeṭba i Inagan n tmurt-​nni.

Teţţunefkay lemεawna i tjemmuyaε. Di Bitil, llan watmaten i geţţuwekklen ad fken ţţesriḥ i wesbeddi n tjemmuyaε tijdidin d wid ara yesseddun ccɣel n inaramen, n yemceggεen akk-​d ccɣel n ineqqaden n tɣalayt. Llan daɣen wid i d-​yessewǧaden igrawen, wid i geţwellihen lebni n Tzeɣwa n Tgelda, d wid i geţţuwekklen ɣef tektabin akken ad leḥqent tijemmuyaε. Ayen akk yeţwaxdamen di Bitil yeţwaxdem bac ad iddu ubecceṛ s nniḍam.—1 Ikurintiyen 14:33, 40.

• Amek i ţεawanent trebbuyaε yeţwellihen Bitilat Asqamu amwellah?

• D acu i geţwaxdamen di Bitil?