Ɣer imasiḥiyen n lqern amezwaru, anejmuɛ mačči ţ-​ţameɣra. Ţţilin deg-​s ccnawi, tiẓilla akk-​d leqraya d usefhem n kra n yefyar n Tira Iqedsen. (1 Ikurintiyen 14:26) D ayen i geţţilin daɣen tura deg inejmuɛen-​nneɣ.

Nlemmed-​ed seg Wedlis Iqedsen ayen i ɣ-​iṣelḥen. Di taggara n smana, imasiḥiyen ţţemlilen di tjemmuyaɛ-​nsen bac ad ḥessen i yiwet n lxeṭba ireṣṣan ɣef Wedlis Iqedsen, i gtekken 30 ddqayeq. Lxeṭba-​yagi teţwerri-​d deg wacu i ṣelḥent Tira Iqedsen di tudert-​nneɣ akk-​d lweqt-​nneɣ. Wid iḥeddṛen ţnadin-​d deg wedlis-​nsen iqedsen ifyar i d-​iţţunefken. Mbeɛd lxeṭba-​yagi, iɛeggalen n tejmaɛt ţcaraken di tɣuri n “Lbeṛǧ n Tɛessast”. Taɣuri-​yagi deg-​s isteqsiyen iwumi ara d-​ǧawben imeḥdaṛ. Teţţaṭṭaf ssaɛa, treṣṣa ɣef yiwen weḥric si tesɣunt yeţţusemman Lbeṛǧ n Tɛessast yeţwaxedmen i tɣuri. Teţɛawan-​aɣ a nṭebbeq imenzayen n Wedlis Iqedsen di temɛict-​nneɣ. Llant kteṛ n 110 000 n tjemmuyaɛ di ddunit meṛṛa. Di mkul yiwet seg-​sent qqaren aḥric-​agi n Lbeṛǧ n Tɛessast.

Nḥeffeḍ amek ara nesselmed. Neţţemlil daɣen yiwet n tmeddit n wass di smana, deg yiwen n unejmuɛ yebḍan ɣef tlata yeḥricen, yeţţusemman Tamɛict tamasiḥit d leqdic. Ahil-​ines ireṣṣa ɣef wayen yellan di Tezmamt n unejmuɛ n Temɛict tamasiḥit d leqdic. Ahil-​agi ibeddu s Twiztin n Wawal n Ṛebbi; lmeqsud-​is d asenqed n weḥric seg Wedlis Iqedsen, i ɣran uqbel iɛeggalen n tejmaɛt. Mbeɛd, deg weḥric Ḥṛec di leqdic, neţwali timeskanin i d-​issenɛaten amek ara nheddeṛ i wiyaḍ ɣef Wedlis Iqedsen. Yiwen uselmad a ɣ-​d-​yefk kra n lewṣayat akken a ɣ-​iɛiwen a nwenneɛ leqraya-​nneɣ d lhedṛa-​nneɣ. (1 Timutawus 4:13) Ɣer taggara, aḥric yeţţusemman Tamɛict tamasiḥit yesskanay-​ed amek ara nṭebbeq imenzayen n Wedlis Iqedsen di temɛict-​nneɣ n kul ass. Ţţilin deg-​s yesteqsiyen iɣef ara d-​ǧawben imeḥdaṛ, ara ɣ-​iɛiwnen a nefhem akteṛ Adlis Iqedsen.

Mebla ccekk, a k-​yeɛǧeb mliḥ uselmed yelhan n Wedlis Iqedsen i ɣ-​d-​iţţunefkayen deg inejmuɛen-​nneɣ.—Icɛaya 54:13.

• Amek i ţwaxdamen inejmuɛen-​nneɣ?

• Anwa anejmuɛ, seg wid i nxeddem, iwumi i tebɣiḍ aţ-​ţḥedṛeḍ d amezwaru?