Adlis Iqedsen ihdeṛ-​ed ɣef imasiḥiyen i geţţuwekklen ɣef kra n lecɣal di tejmaεt: ibder-​ed “iεessasen” akk-​d iqeddacen ‘imεawnen.’ (Ifilibiyen 1:1) Di mkul tajmaεt, neţţaf kra seg-​sen. Acu i xeddmen iqeddacen imεawnen ɣef ddemma-​nneɣ?

Ţεawanen lecyux. Iqeddacen imεawnen, ama meqqrit ama meẓẓiyit, ṭṭfen di Yahwa, d wid iɣef yella leţkal yerna ţwenniεen lecɣal-​nsen. Lehhun-​d d kra n lecɣal yesεan azal yeεnan lmeḥwiǧat n tejmaεt. Xeddmen daɣen ayen iwulmen bac aţ-​ţeddu s nniḍam. Annect-​a yeţţak tagniţ i lecyux akken a d-​lhin d ccɣel i sen-​iţţunefken, yeεni ad ksen tajmaεt w’a ţ-​sselmden.

Xeddmen lecɣal iṣelḥen. Kra n iqeddacen imεawnen ţţuwekklen bac ad steṛḥiben s wid i d-​iţţasen ɣer inejmuεen. Wiyaḍ lehhun-​d d dduzan n ṣṣut neɣ d leḥsabat yeεnan tukciwin n tejmaεt, neɣ ţferriqen tizmamin akk-​d imeḍqan n uberreḥ i iεeggalen n tejmaεt. Ţţaken afus n lemεawna bac ad ssizdgen Tazeqqa n Tgelda. Tikwal, ṭṭalaben-​asen lecyux ad bedden ɣer imasiḥiyen i gmeqqren di leεmeṛ. Akken bɣun ilin lecɣal i sen-​iţţunefken i iqeddacen imεawnen, xeddmen-​ten seg wul. Γef wayagi i ten-​ţqadaren iεeggalen meṛṛa n tejmaεt.—1 Timutawus 3:13.

D lemtul n lεali. Iqeddacen imεawnen ţwaxtaṛen imi sεan ṣṣifat yelhan i glezmen i umasiḥi. Lxeṭbat i d-​ţţaken deg inejmuεen sseǧhadent liman-​nneɣ. Imi i ɣ-​llan d lemtul n lεali deg uberreḥ, ţεawanen-​aɣ a nesεu leḥṛaṛa. Afus n lemεawna i ţţaken i lecyux iţţawi-​d lfeṛḥ ţ-​ţdukli. (Ifasusiyen 4:16) M’ara iεeddi lweqt, zemren ad kesben ṣṣifat ilezmen bac ad uɣalen d lecyux.

• Acu-​tent ṣṣifat i glaq ad sεun iqeddacen imεawnen?

• Acu i xeddmen akken aţ-​ţeddu akken ilaq tejmaεt?