Iwakken a neḥdeṛ i inejmuεen-​nneɣ, neqbel a nεeddi si leɣwabi neɣ a nqabel lehwa d usemmiḍ. Xas akken nεeggu m’ara nfakk lxedma neɣ neţmagar-​ed cceddat, ayagi ur ɣ-​iqeṭṭeε ara a neţţemlil d Inagan n Yahwa. Acu i ɣ-​d-​yeţţawi lmeǧhud-​agi?

Yeţţeεǧab-​aɣ lḥal. Amceggeε Bulus yenna i iεeggalen n tjemmuyaε ad ‘ţţemḥadaren gar-​asen.’ Am wakken yenna-​yasen ad ţnadin ad myussanen wway gar-​asen. (Iεebṛaniyen 10:24) S imeslayen-​agi, yeţweṣṣi-​yaɣ a neţḥebbiṛ wa ɣef wa. M’ara neţţissin iεeggalen nniḍen n tejmaεt, neţţarra-​d s lexbaṛ belli qublen cceddat icuban tid-​nneɣ. Zemren ihi a ɣ-​εiwnen a tent-​neɣleb.

Nseεεu leḥbab n lebda. Wid i neţţaf deg inejmuεen-​nneɣ mačči ţ-​ţamusni kan i ten-​nessen, d leḥbab-​nneɣ i llan. Di teswiεin nniḍen, nesεedday lweqt lwaḥid bac a nezhu akken iqwem lḥal. Acu i d-​teţţawi lemεacṛa am tagi? Neţnadi a nemyefk lqima, dɣa teţţeǧhad leḥmala-​nneɣ. Akka, m’ara d-​yemmager walbeεḍ seg-​neɣ iɣeblan, neţεawan-​it seg wul, axaṭer yuɣ lḥal teǧhed tdukli-​nneɣ. (Lemtul 17:17) M’ara neţεacaṛ iεeggalen meṛṛa n tejmaεt-​nneɣ, neţbeggin-​ed belli mkul yiwen “iţḥebbiṛ ɣef wayeḍ.”—1 Ikurintiyen 12:25, 26.

Neţweṣṣi-​k aţ-​ţextiṛeḍ leḥbab-​ik ger wid ixeddmen lebɣi n Ṛebbi. Aţ-​ţafeḍ leḥbab am wigi ger Inagan n Yahwa. Ur ţţaǧǧa acemma a k-​iqḍeε aţ-​ţemlileḍ yid-​neɣ!

• Ayɣer i ɣ-​yelha a neţţemlil deg inejmuεen-​nneɣ?

• Melmi i tebɣiḍ aţ-​ţissineḍ tajmaεt-​nneɣ?