M’ara d-​teḍru twaɣit, am zzelzla neɣ tabuciḍant, neţheggi-​d din din ayen iwulmen akken a nsellek Inagan n Yahwa i tḥuza txessaṛt. Lmeǧhudat-​agi ţbegginen-​d belli nḥemmel atmaten-​nneɣ seg wul. (Yuḥenna 13:34, 35; 1 Yuḥenna 3:17, 18) Amek i d-​neţţak afus-​agi n lemɛawna?

Neţţak iṣurdiyen. Di lqern amezwaru, imasiḥiyen n Antyukya ceggɛen iṣurdiyen i imasiḥiyen n Yahuda, i gḥuza yiwen laẓ d ameqran. (Lecɣal 11:27-30) Ass-​a, yeţţaweḍ-​aɣ-​d tikwal lexbaṛ belli kra n Inagan llan di lexṣaṣ. S tejmaɛt-​nneɣ, neţceggiɛ-​asen ihi ayen i glaqen bac a ten-​nɛiwen deg wayen i ḥwaǧen.—2 Ikurintiyen 8:13-15.

Nessewǧad-​ed lemɛawna. Lecyux yellan deg wemḍiq-​nni i tḥuza twaɣit ţqelliben ɣef mkul aɛeggal si tejmaɛt-​nsen bac ad ẓren ma bxiṛ i gella. Yiwet n terbaɛt n usellek testeklif s wayen akk yeɛnan adawi, lmakla ara yeţwaferqen, aman n tissit, llebsa akk-​d imukan ideg i zemren ad ddarin wid yeţwaɣen. Xilla n Inagan, yesɛan lḥirfat ara iṣelḥen, ţṛuḥun s lebɣi-​nsen yerna s umeṣruf-​nsen bac ad ɛiwnen wid-​nni i tḥuza twaɣit neɣ iwakken ad ṣeggmen ixxamen akk-​d Tzeɣwa n Tgelda i geţwaɣen. Imi neddukkel yerna nwulef nxeddem lwaḥid, nessewǧad-​ed iman-​nneɣ bihfih m’ara yelzem. Neţţak afus n lemɛawna i “watmaten-[nneɣ] di liman”; lameɛna, m’ara ɣ-​teţţunefk tegniţ, neţɛawan ula d wiyaḍ, akken yebɣu yili ddin-​nsen.—Igalatiyen 6:10.

Neţṣebbir lɣaci s Wedlis Iqedsen yerna neţɛawan-​iten akken ad qablen leḥzen-​nsen. Wid i tḥuza twaɣit ḥwaǧen mliḥ ad ţţuṣebbren. Di teswiɛin am tigi, itekk-​ed lǧehd sɣur Yahwa, Ṛebbi n “kra yellan d ṣṣber.” (2 Ikurintiyen 1:3, 4) M’ara nheddeṛ i wid yellan di ccedda ɣef wayen i d-​yewɛed Ṛebbi deg Wedlis Iqedsen, neţţak-​asen ṭṭmana belli ur teţɛeṭṭil ara aţ-​ţekkes Tgelda n Ṛebbi tiwaɣiyin, lqerḥ d lemḥani.—Aweḥḥi 21:4.

• Ayɣer i nessawaḍ a d-​nessewǧed iman-​nneɣ bihfih m’ara d-​teḍru twaɣit?

• Amek i neţṣebbir wid i tḥuza twaɣit?