TIMEƔRI TAMEZWARUT
Tazwart n lɛali
Lecɣal 17:22
ACU ARA TXEDMEḌ: Di tezwart, yeɛni imeslayen swayes ara tebduḍ lehduṛ, ilaq aţ-ţɛiwneḍ wid i k-d-yeţḥessisen ad rren ddehn-nsen ɣer wayen ara d-tqeddmeḍ, a d-tiniḍ d acu-ţ temsalt iɣef ara d-thedṛeḍ w’a d-tessefhmeḍ ayɣer i glaq ad rren ddehn-nsen ɣer temsalt-agi.
AMEK ARA TXEDMEḌ:
-
Ɛiwen wid i k-d-yeţḥessisen a d-rren ddehn-nsen. Xtiṛ kra n westeqsi, kra n lemtel yeţwassnen, kra n temsalt yeḍran s ṣṣeḥ neɣ kra n lexbaṛ ajdid akken aţ-ţɛiwneḍ wid i k-d-yeţḥessisen a d-rren ddehn-nsen.
-
Ini-d d acu-ţ temsalt iɣef ara d-thedṛeḍ. Deg imeslayen swayes ara tebduḍ lehduṛ, ilaq a d-tbeggneḍ akken ilaq i wid i k-d-yeţḥessisen ɣef wacu ara d-thedṛeḍ w’a d-tessefhmeḍ d acu i d lmeqsud n wayen ara d-tiniḍ.
-
Ssken-ed iwacu i tesɛa azal temsalt-agi. Ilaq ad yeddukkel wayen ara d-tiniḍ akk-d lmeḥwiǧat n wid i k-d-yeţḥessisen. Yelzem ad fehmen akken ilaq belli tamsalt iɣef ara d-thedṛeḍ aţ-ţeṣleḥ i mkul yiwen seg-sen.
