Ssaɛlay neɣ ssenqas i ṣṣut-ik. Ssaɛlay i ṣṣut-ik bac a d-tbeggneḍ ixemmimen yesɛan azal w’aţ-ţweṣṣiḍ wid i k-d-yeţḥessisen ɣer lefɛayel yelhan. Ɣef lemtel, xeddem akka m’ara d-teqqareḍ ifyar ideg yeţḥasab Yahwa imdanen. Ssenqas i ṣṣut-ik akken ad bɣun wid i k-d-yeţḥessisen ad ẓren d acu ara d-tiniḍ. Ssenqas daɣen i ṣṣut-ik bac a d-tbeggneḍ atqelleq neɣ tugdi.

Ţbeddil ṣṣut n taɣect-ik. Mačči akken i neţmeslay m’ara nili nefṛeḥ i neţmeslay m’ara nili neḥzen. M’ara neţmeslay ɣef leḥwayeǧ yesseḥzanen neɣ yessefṛaḥen, ilaq a d-iban di ṣṣut n taɣect-nneɣ. Tzemreḍ daɣen aţ-ţesseɣzafeḍ kra n leḥṛuf deg imeslayen. Ɣef lemtel: deg umeslay “meskin” tzemreḍ aţ-ţesseɣzfeḍ lḥeṛf “i.”

Heddeṛ tikwal s lemɣawla tikwal s leɛqel. Heddeṛ s lemɣawla m’ara tebɣuḍ a d-tbeggneḍ kra n lḥisas iǧehden. Heddeṛ s leɛqel m’ara tesselmadeḍ ixemmimen yesɛan azal.