Ssekcem ɣer wul-ik ayen ara tesselmdeḍ. M’ara d-theggiḍ ayen ara tesselmdeḍ, meyyez mliḥ ɣef lqima i gesɛa wayen ara d-tiniḍ. Issin akken ilaq tamsalt ara tesselmdeḍ bac a d-tbaneḍ teţţuqennɛeḍ m’ara theddṛeḍ.

Xemmem ɣef wayen ara inefɛen wid i k-d-yeţḥessisen. Meyyez ɣef nnfeɛ ara d-yawi wayen ara d-teɣreḍ neɣ ara tesselmdeḍ. Xemmem daɣen ɣef wamek ara t-id-tqeddmeḍ iwakken a s-rnun di lqima wid ara k-d-iḥessen.

Ilaq a d-yekk seg wul-ik wayen ara tesselmdeḍ. Heddeṛ s leḥṛaṛa. Ayen i teţḥussuḍ deg wul-ik ilaq a d-iban ɣef wudem-ik d wamek i teţḥerrikeḍ ifassen-ik, aqerru-k neɣ tuyat-ik.