TIMEƔRI TIS 12
Beggen-ed leḥmala akk-d leḥnana
1 Itisalunikiyen 2:7, 8
ACU ARA TXEDMEḌ: Hdeṛ s leḥnana yellan deg wul-ik tbeggneḍ-d i wid i k-d-yeţḥessisen belli teţḥebbiṛeḍ fell-asen.
AMEK ARA TXEDMEḌ:
-
Xemmem ɣef wayen ara inefɛen wid i k-d-yeţḥessisen. Akken a d-thedṛeḍ s wul-ik w’a d-tbeggneḍ belli tḥemmleḍ-ten, ţmeyyiz ɣef wuguren i d-ţmagaren terreḍ iman-ik deg wemkan-nsen.
-
Xtiṛ akken ilaq imeslayen-ik. Nadi amek ara tesseṛtiḥeḍ, amek ara tṣebbreḍ d wamek ara tesseǧhdeḍ. Xḍu i imeslayen ara iḥeccmen neɣ ara yessexlɛen ahat wid i k-d-yeţḥessisen. Ur ţqejjim ara daɣen deg wid ur nelli ara d Inagan n Yahwa neɣ deg wayen is i ţţamnen seg wul.
-
Beggen-ed belli teţḥebbiṛeḍ ɣef wid i k-d-yeţḥessisen. Heddeṛ s taɣect ḥninen tissineḍ amek ara teţḥerrikeḍ ifassen-ik akken ad ḥussen wid umi i theddṛeḍ belli teţḥebbiṛeḍ seg wul fell-asen. Ilaq a d-iban ɣef wudem-ik wayagi; ur teţţu ara acmumeḥ m’ara iwalem.