TIMEƔRI TIS 13
Lfayda ara d-yawi wayen ara tesselmdeḍ
2 Timutawus 3:16
ACU ARA TXEDMEḌ: Ɛiwen wid i k-d-yeţḥessisen ad fehmen deg wacu i ten-teɛna temsalt iɣef ara d-thedṛeḍ; ssken-asen daɣen amek ara ssexdmen ayen ara d-lemden.
AMEK ARA TXEDMEḌ:
-
Xemmem ɣef wayen ara inefɛen wid i k-d-yeţḥessisen. Meyyez acuɣer i ḥwaǧen ad slen i ixemmimen ara sen-tesselmdeḍ; nadi daɣen aţ-ţeẓreḍ d acu-tent leḥwayeǧ ara ten-inefɛen akteṛ.
-
Ssefhem i wid i k-d-yeţḥessisen amek ara ssexdmen mkul axemmim ara d-lemden. Si tazwara, yal yiwen seg wid i k-d-yeţḥessisen ilaq ad yini deg yiman-is: “A yi-nefɛen ixemmimen-agi.” Ssefhem-ed amek ara yeţţuṭebbeq yal axemmim yesɛan azal. Ini-d swaswa d acu i glaqen ad yeţwafhem.
