TIMEƔRI TIS 17
Tiktiwin isehlen i lefhama
1 Ikurintiyen 14:9
ACU ARA TXEDMEḌ: Ɛiwen wid i k-d-yeţḥessisen ad fehmen mliḥ lmeɛna n wayen i tebɣiḍ a d-tiniḍ.
AMEK ARA TXEDMEḌ:
-
Ssenqed tizmamin swayes ara d-theggiḍ ayen ara tesselmdeḍ. Ilaq aţ-ţfehmeḍ mliḥ tamsalt iɣef ara d-thedṛeḍ bac aţ-ţizmireḍ a ţ-id-tessefhmeḍ s imeslayen-ik kečč yerna s sshala.
-
M’ara theddṛeḍ, ur ssexdam ara aṭas n imeslayen. Ssexdam cwiṭ kan n imeslayen bac a d-tessefhmeḍ akken ilaq tiktiwin i gwulmen a tent-fehmen wid i k-d-yeţḥessisen.
-
Ssefhem-ed lmeɛna n imeslayen ur neţwassen ara mliḥ. Ur ssexdam ara xilla n imeslayen ur ssinen ara wid i k-d-yeţḥessisen. M’ara d-tbedreḍ isem n walbeɛḍ ur neţwassen ara neɣ imeslayen ur ssinen ara mliḥ wid i k-d-yeţḥessisen (ɣef lemtel, ismawen n wid iɣef i d-yehdeṛ Wedlis Iqedsen neɣ kra n lɛadda taqdimt neɣ n lkil n zik), ssefhem-iten-id.